एमाले संसदीय बोर्डमा झलनाथ र माधव पनि

५ चैत,  काठमाडौं । आज बोलाइएको नेकपा एमाले संसदीय दलको बैठक वहिष्कार गर्ने वरिष्ठ नेताहरु झलनाथ खनाल र माधवकुमार नेपाललाई समेत समेटेर संसदीय बोर्ड गठन भएको छ । प्रधानमन्त्री निवास बालुवाटारमा भएको बैठकले बोर्ड गठन गरेको हो ।

दलका नेता केपी ओलीको अध्यक्षतामा गठित बोर्डमा खनाल, नेपालका साथै सुभाषचन्द्र नेम्बाङ,विशाल भट्टराई, सुमन प्याकुरेल, विमला राई पौडेल, शेरबहादुर तामाङ,राधा ज्ञवाली,दामोदर भण्डारी,विन्दा पाण्डे, विद्या भट्टराई, रेखा झा, राजेन्द्र राई,छविलाल विश्वकर्मा रहेका छन् ।

यस्तै, अन्य सदस्यमा भूपेन्द्र थापा, खेम लोहनी,सरिता दाहाल र विमला विश्वकर्मा मनोनित भएका छन् । बाँकी तीन सदस्य भने पछि मनोनयन गरिने दलले जनाएकोछ ।