कांग्रेस वीपीद्धारा आगलागी पीडितलाई राहत वितरण

५ चैत, काठमाडौं । नेपाली कांग्रेस ‘वीपी’ नुवाकोटले आगलागी पीडितलाई राहत वितरण गरेको छ । नुवाकोट जिल्ला शिवपुरि गाउँपालिका वडा नम्बर ३ लिखु मैदानका नतुर तामाङको घरमा गत फागुन २२ गते मध्याह्न १२ बजे तिर आगलागी भइ घरमा भएको खाद्यान्न लत्ताकपडा लगाएत सबै सामाग्री जलेर नष्ट भएपछि कांग्रेस वीपीले राहत वितरण गरेको हो ।

हालसम्म पीडित परिवारलाई स्थानीय सरकार तथा कतैबाट पनि राहत वितरण नभएको पीडित नतुर तामाङले बताए । नेपाली कांग्रेस वीपी जिल्ला कार्यसमिति नुवाकोटका सभापति श्यामबहादुर गुरुङको पहलमा उनलाई आज उनकै निवास पुगि खाद्यान्न, लत्ताकपडा, आर्थिक लगाएतका सहयोग गरेको बताइएको छ । ।