ज्येष्ठ नागरिकका लागि आराम केन्द्र निर्माण

६ चैत,भरतपुर । बोटलर्स नेपाल (तराई) लिमिटेडले भरतपुरमा ज्येष्ठ नागरिकलाई आराम केन्द्रको निर्माण गरी विकास टोल सुधार समितिलाई हस्तान्तरण गरेको छ । बोटलर्स नेपाल लिमिटेडका प्रतिनिधि, स्थानीय समुदाय र युवा सदस्यको उपस्थितिमा वडाध्यक्ष यमलाल कँडेलले नागरिक आराम केन्द्रको उद्घाटन गरेको हो ।

नागरिक आराम केन्द्रले ज्येष्ठ नागरिकको कल्याण र उनीहरुको जीवनको गुणस्तर बढाउनमा महत्वपूर्ण भूमिका खेल्ने विश्वास गरिएको छ । केन्द्रमा एक मिनी लाइब्रेरी, आराम गर्न आरामदायक फर्निचर र फुर्सदको समय सदुपयोग गर्न सांकृतिक वातावरणका लागि वाद्यवादन पनि राखिएका छन् ।