सर्लाहीबाट २ किलो गाँजासहित एक युवक नियन्त्रणमा

६ चैत, जनकपुरधाम । सर्लाहीमा प्रहरीले २ किलो गाँजासहित एक युवकलाई नियन्त्रणमा लिएको छ । जिल्लामा यात्रुबाहक बसलाई चेकजाँचका क्रममा बसमा सबार युवक लागुऔषध गाँजासहित प्रहरीले पक्राउ गरेको हो ।

सिन्धुलीको बरुणबाट लालबन्दीतर्फ आउँदै गरेको यात्रुबाहक बसलाई लालबन्दी नगरपालिका-७ मा चेकजाँच गर्दा बसमा सबार १९ वर्षीय सुवास मोक्तान २ किलो २०० ग्राम गाँजासहित पक्राउ परेका हुन् ।

लालबन्दी नगरपालिका १४ डाइनी खोला घर बताउने मोक्तान झोलामा गाँजा राखेका थिए । उनलाई नियन्त्रणमा लिई अन्य अनुसन्धान सुरु गरिएको छ ।