चेक बाउन्स मुद्दामा प्रकाश दुगड पक्राउ  

६ चैत, काठमाडौं । चेक बाउन्स मुद्दामा प्रकाश दुगड पक्राउ परेका छन्। प्रहरीले आज उनलाई काठमाडौंको ताहाचलबाट पक्राउ गरेको हो । उनीविरूद्ध बैंकिङ कसूरको चेक बाउन्स मुद्दामा गत माघमा महानगरीय प्रहरी वृत्त, मालीगाउँमा जाहेरी परेको थियो।

अदालतले पनि उनीविरूद्ध पक्राउ पुर्जी जारी गरिसकेको थियो। पाँच लाख ६७ हजार रुपैयाँको चेक बाउन्स भएपछि उनीविरूद्ध जाहेरी परेको हो।

महानगरीय प्रहरी वृत्त, कालीमाटीले उनलाई पक्राउ गरी शुक्रबार मालीगाउँमा बुझाएको हो। उनीमाथि थप अनुसन्धान गर्न प्रहरीले म्याद थप गर्दैछ।