भारतीय जेलमा ४० वर्षदेखि रहेका दुर्गाप्रसादकाे आज अदालती प्रक्रिया सकियाे, भाेली छुट्ने

६ चैत, काठमाडौं । शनिबार ४० वर्षदेखि भारतीय जेलमा रहेका दुर्गाप्रसाद तिम्सिना छुट्ने भएका छन् । कसुर कारण भारतीय जेलमा कैदी भएर बसेका इलामका दुर्गाप्रसाद भोली छुट्ने भएका हुन् ।

दुर्गाप्रसादका वकिल हिरक सिन्हाका अनुसार आज शुक्रबार सबै अदालती प्रक्रिया सकिएकाले भोली उनी छुट्ने भएका हुन् । दीपक जैशीका नामले भारतीय जेलमा चिनिएका तिम्सिनालाई लिन उनका भाइ प्रकाशचन्द्र तिम्सिना र विश्व सेवा विस्तार संस्थाका प्रतिनिधि इन्द्र बस्नेत लगायत कोलकाता पुगेसकेका छन् ।

आज कोलकतास्थित उच्च अदालतमा उनका भाइ प्रकाशचन्द्रले दुर्गाप्रसादलाई बुझ्ने सम्झौतामा हस्ताक्षर गरेका छन् । इलाम माई नगरपालिका–१० का दुर्गाप्रसाद १९८० मा दार्जिलिङबाट पक्राउ परेका हुन् ।

उनी कोलकातास्थित ‘दमदम सेन्ट्रल करेक्सनल हो’मा छन् । यद्यपि उनको मुद्दा भने किनारा लागेको छैन । दुर्गाप्रसादको दिमागी अवस्था ठिक नभएको भन्दै अदालतले छाड्ने आदेश मात्र दिएको हो । जसअनुसार उनलाई भाइ प्रकाशचन्द्रले जिम्मा लिनेछन् ।