नेपाल र प्रचण्डबीच गोप्य भेटवार्ता

६ चैत, काठमाडौं । नेकपा एमाले नेता माधवकुमार नेपाल र माओवादी केन्द्रका अध्यक्ष पुष्पकमल दाहाल प्रचण्डबीच गोप्य भेटवार्ता भएको छ । आज दिउँसो भएको भेटवार्तामा पछिल्लो राजनीतिक घटनाक्रमका बारेमा छलफल भएको बताइएको छ ।

भेटवार्ता नेपाल निवास नजिकै पुर्व माओवादी पत्रकार चन्द्रलाल श्रेष्ठ निवासमा भएको बताइएको छ । स्रोतका अनुसार नेता नेपाल र प्रचण्डबीच करिब एक घण्टासम्म वार्ता भएको बताइएको छ । तर उनीहरूबीच के विषयमा कुराकानी भयाे भन्ने विषय भने, खुलाइएकाे छैन ।

यस अघि बिहीबार सम्पन्न राष्ट्रिय कार्यकर्ता भेलामा अध्यक्ष तथा प्रधानमन्त्री केपी ओलीले राष्ट्रिय राजनीतिमा सिर्जना गरेको अस्थिरता तथा पार्टीभित्रको अराजकता र अन्योल चिर्न एमालेको माधव नेपाल–झलनाथ खनाल पक्षले समानान्तर गतिविधि अघि बढाउने निर्णय गरेको थियाे ।