कमिशनको चक्करमा प्रहरीको प्रबन्ध शाखा, ठेकेदारको राइँदाइँ
नेपालबहस संवाददाता
चैत ७, २०७७ शनिबार २०:२६:३०
५ चैत, काठमाडौं । प्रहरी महानिरीक्षक भएपछि शैलेश थापा क्षेत्रीले प्रहरी प्रधान कार्यालयमा एसएसपी र डीआईजीको बैठकमा भनेका थिए– मेरो अगाडि पुरुषोत्तम कँडेल एसएसपी छन्, मलाई लाग्छ, उनी इमानदार प्रहरी मध्ये एक । त्यही कारण प्रबन्धको जिम्मेवारी मैले उहाँलाई सुम्पेको छु ।
आईजीपी थापाले उनै कँडेललाई डीआईजीमा बढुवा गरेर प्रबन्ध निर्देशनालय (शाखा) कै जिम्मेवारी दिए । शुरु शुरुमा डीआईजी कँडेलले राम्रो काम नगरेका होइनन् । उनले नेपाल प्रहरीको लत्ताकपडा खरिदमा भएको अनियमिताको छानविनलाई टुंगोमा पुर्याए । केही ठेकेदारलाई कारवाहीको दायरामा समेत ल्याउने कोशिस गरे । तर उनकाे सहयोगीका रुपमा रहेका एसपी प्रेम बस्नेतले भने उनलाई धोका दिदै आएका छन् ।
बढीमा एआईजी हुने ख्वाब राखेका डीआईजी कँडेलको घर गोरखा हो । उनी तुलनात्मक रुपमा राम्रा अफिसरका रुपमा चिनिएका छन् । तर उनी डीआईजीमै घर जाने संभावना बढेपछि भने प्रबन्ध शाखाबाट आउने कमशिनमा उनी पनि लोभिएको त्यहाँका प्रहरी अधिकारीहरु बताउँछन् ।
तत्कालिन अख्तियार प्रमुख नवीन घिमिरेको सिधा तोकादेशमा प्रबन्ध शाखामा आएका एसपी बस्नेतको सेटिंगलाई भने उनले आँखा चिम्लेका छन् । ‘घुस खान्न भन्नु एउटा कुरा छ तर घुस खानेलाई प्रोत्साहन गर्दै आँखा चिम्लेपछि घुस खाए जत्तिकै हो’, प्रबन्ध शाखाका एक प्रहरी अधिकृतले भने ।
अहिले नेपाल प्रहरीको बन्दोबस्तीका सामानहरु भण्डारणमा बुझाउने बेला भएको छ । फागुनको अन्तिम सातादेखि चैतको पहिलो सातासम्ममा नेपला प्रहरीका धेरै सामानहरु भण्डारण हुने गरेका छन् । सर्ट, उलन पाइण्ट, ज्याकेट, झूल, पञ्चा ,टोपी, क्याप, चुस्ता जस्ता समानहरुको ठेक्का गत भदौमा ठेक्का लगाएर अहिले भण्डार शाखामा बुझाउँछन् । सो शाखाले नमुना अनुसारको सामानको गुणस्तर चेकजाँच गरेर बुझ्ने गरेका छन् ।
यसपटक नेपाल प्रहरीका लागि आवश्यक बन्दोबस्तीका सामान खरिद गर्ने प्रबन्ध शाखाले नमूना पास नै नभएको ब्याग खरिदको लागि स्वीकृति दिएकाे भएपनि त्यसबारे कँडेलको मौनता रहस्यमय रहेको छ । नमूना नै पास नभए पनि प्रबन्ध शाखाले राजमान मिश्रको अल्पाइन कम्पनीलाई रुकस्याक ब्यागको ठेक्का दिएको छ । एसपी बस्नेतकै सेटिङमा उनले सो ठेक्का पाएका हुन् । प्रहरी प्रधान कार्यालय स्रोतका अनुसा मिश्रको अल्पाइनले ८ हजार थान ब्यागको ठेक्का पाएको हो ।
सो ठेक्कामा नेपाल प्रहरीकै पूर्व सई ज्ञानेन्द्र बस्नेतको पनि सेटिङ रहेको छ । बस्नेत नेपाल प्रहरीको लत्ताकपडा खरिदमा धेरै कम्पनीमार्फत आफै ठेक्का हाल्ने ठेकेदार हुन् । ज्ञानेन्द्र बस्नेतको जय सलिना र टोपेन्द्र बिसीको तेजसम कम्पनीले उपलब्ध गराएको सामान नै सबैभन्दा कम गुणस्तरको हुने गरेको छ ।
उनीहरुले नै सेटिङमा अन्य ठेकेदारहरुलाई सहभागी गराउने र प्रबन्ध शाखामा रहेका कर्मचारीलाई कमिशन दिने गरेका छन् । कमिशनको रकम प्रहरी महानिरीक्षकको सचिवालय तहसम्मे पुग्ने भएपछि एकवर्ष अघिदेखि डीआईजी कँडेल चुपचाप बसेका छन् भने एसपी बस्नेतचाँहि सेटिंग गरेर टिकिरहेका छन् ।
यसअघि गत साउनमा प्रहरीले खरिद गरेको एम्बुलेन्समा पनि एसपी बस्नेत विवादमा परेका थिए । एउटा एम्बुलेन्सको करिब ४७ लाख रूपैयाँका दरले पौने २ करोड रकम एम्बुलेन्स आउनु अघि नै भुक्तानी गरेपछि उनी विवादमा परेका हुन् । साहस टेड्रर्सका नाममा एम्बुलेन्सको रकम भुक्तानी गरिएको थियो ।
असार मसान्तसम्म सामान दाखिला गरी भुक्तानी लिनुपर्ने प्रावधान भए पनि नेपाल प्रहरीको प्रबन्ध शाखाले साहस ट्रेडर्सका सुवर्णलाल श्रेष्ठलाई पौने दुई करोड भुक्तानी दिएको थियो । एम्बुलेन्स नआउँदै रकम दिएको विषयमा समाचार आएपछि भने साउनको अन्तिम हप्तामा मात्रै प्रहरी प्रधान कार्यालयमा एम्बुलेन्स दाखिला गरिएको थियो ।
र याे पनि…..
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपखिया लागेको जस्तामुनि मालढुंगाका प्रहरीको बास
चैत १४, २०८० बुधबार
अनलाइन प्रहरी चारित्रिक प्रमाण पत्र दिने सेवा तीन घण्टा अवरुद्ध हुने
चैत १३, २०८० मंगलबार
सहायक निरीक्षकसहित प्रहरीका २३ कर्मचारी सम्पर्कविहीन
चैत १३, २०८० मंगलबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
नयाँ वर्षमा बन्दीपुरमा सडक खाना महोत्सव हुने
चैत १५, २०८० बिहिबार
परम्परागत होली पछ्याउँदै राना थारू समुदाय
चैत १५, २०८० बिहिबार
एसीसी प्रिमियर कप खेल्ने नेपाली राष्ट्रिय क्रिकेट टिमको बिदाइ
चैत १५, २०८० बिहिबार
नेप्सेमा सामान्य वृद्धि, हिमालयन उर्जा विकासको शेयरमा सकारात्मक सर्किट !
चैत १५, २०८० बिहिबार
नेपाल ए र आयरल्याण्ड वोल्भ्सबीचको सिरिजको नयाँ तालिका सार्वजनिक
चैत १५, २०८० बिहिबार