ओलीले बोलाएको बैठकमा सहभागी हुन बामदेव बालुवाटारमा

७ चैत, काठमाडौं । पार्टी अध्यक्ष केपी शर्मा ओलीले बोलाएको बैठकमा सहभागी हुन नेता वामदेव गौतम बालुवाटार पुगेका छन् । गौतम केही बेरअघि बालुवाटार प्रवेश गरेका हुन् । अध्यक्ष ओलीले आज बालुवाटारमा एमाले संसदीय दल र केन्द्रीय कमिटीका दुई छुटाछुटै बैठक बोलाइएका छन् ।

पार्टीभित्र विवाद मिलाउन भन्दै गौतमले छुट्टै अभियान सञ्चालन गर्दै आएका छन् ।  गौतमले फागुन २८ गतेको अध्यक्ष ओलीको निर्णय फिर्ता लिनु पर्ने अडान राख्दै आएका थिए । नेपाल खनाल पक्षले भने बैठक बहिस्कार गरेको छ । बैठक भर्खरै सुरु भएको बताइएको छ ।