ओलीले बामदेवलाई भने, एकतालागि निकै लाग्नु भयो, सायद थाक्नु भयो !

७ चैत,काठमाडौं । संसदीय दलको बैठकमा भाग लिन बालुवाटार पुगेका नेता बामदेव गौतमलाई प्रधानन्त्री केपी शर्मा ओलीले एकताको प्रयासबाट थाकेर बालुवाटार आएको भन्दै कटाक्ष गरेका छन् । पुष ५ पछि पहिलो पटक बैठकमा आएका गौतमलाई स्वागत गर्दै प्रधानमन्त्री ओलीले पार्टी एकताको प्रयासबाट गौतम धेरै थाकेको टिप्पणी गरेका हुन् ।

‘ तपाईँले त्यस्ता अराजक र गुटबाजहरुलाई समेटेर पार्टी एकता गर्न निकै लाग्नु भयो । सायद थाक्नु भयो । अब ढुक्क भएर योआन्दोलन बलियो बनाउन लाग्नुस्।’ प्रधानमन्त्रीको भनाइ उदृत गर्दै  बैठकमा सहभागी सांसदले भने । बैठकमा गौतमले आफू संसद विघटन र अविश्वासको प्रस्ताव कतैपनि नलागी पार्टी एकता जोगाउन लागिपरेकोले अझै पनि लागि पर्ने बताएका थिए ।

यस्तै बैठकमा प्रधानमन्त्री ओलीले सभामुख अग्नि सापकोटा सरकारविरुद्ध सेटिङ्गमा लागेको  आरोप लगाए । ओलीले सभामुख सरकार विरोधि ‘सेटिंङमा रहेको र सदन सरकारविरुद्ध प्रयोग गर्न उनी सिपालु रहेको बताएको बैठकमा सहभागी नेताले जानकारी दिए ।  सरकारले सदनमा ‘विजनेस’ दिएन भन्नु गलत भएको दाबी गर्दै ओलीले सदनमा सरकारले अध्यादेश, विधयक पठाइएको जानकारी सांसदहरुलाई गराएका थिए ।