एकता महाधिवेशन पार्टीको इतिहासमा कोशे ढुङगा सावित हुने : थापा

६ चैत, काठमाडौं । राष्ट्रिय प्रजातन्त्र पार्टीका अध्यक्ष कमल थापाले तोकिएकै समयमा महाधिवेशन हुने बताएका छन्। आज ९शनिबार० राप्रपा चितवन पार्टी कार्यालयमा आयोजित कार्यक्रमलाई सम्बोधन गर्दै उनले बैशाखको २५ गते नै महाधिवेशन हुने बताए।

एकता महाधिवेशन पार्टीको इतिहासमा मात्र नभई नेपालको राष्ट्रिय राजनीति मै कोशे ढुङगा सावित हुने थापाले विश्वास व्यक्त गरे । तोकिएको समयमा महादिवेशन नभए पार्टीले ठुलो क्षेति बेहोर्नु पर्ने उनले जिकिर गरे । जसकारण महाधिवेशनलाई राप्रपाले प्राथमिक्तामा राखेको उनको भनाई छ ।

उनले भने, “अबको एक वर्ष पछाडि स्थानिय चुनाव हुदैछ । कुनै पनि समय संसदिय चुनाव हुन्छ । बैशाखमा महाधिवेशन हुन सकेन भने बर्खा र चाडपर्वले विथोलछ । स्थानिय चुनाबमा राम्रो परिणम नआए संसदको चुनावलाई असर गर्छ । तर्सथ स्थानिय चुनावलाई प्रयाप्त समय पुगोस भनेर हामीले बैशाखमा महाधिवेशन गर्नु नै पर्ने जरुरी छ ।”

अध्यक्ष थापाले टुक्रा टुक्रामा विभाजित भएर देशमा हिन्दु राष्ट्र र राजतन्त्र स्थापना गर्न नसक्ने भन्दै राष्ट्रवादि प्रजातान्त्रीक शक्तिहरु राप्रपाको नेतृत्वमा राप्रपाको छाता भित्र एकतावद्ध हुन आवश्यक रहेको बताए । राष्ट्रवादी संघर्षका लागि राप्रपामा संलग्न हुदा हिनता बोध नगर्न उनले आग्रह गरे।

थापाले भने, राप्रपानै त्यो शक्ति हो जसले हिजो अत्यन्तै कठिन अवस्थामा पनि हिन्दु राष्ट्र र राज संस्थाको झिल्कोलाई बचाई राखेको छ । साथै उनले महाधिवेशन पश्चात देश व्यापि रुपमा हिन्दु राष्ट्र र राजतन्त्र स्थापनका लागि संघर्ष गर्ने जानकारी दिए । भ्रष्टाचार कुशासन धर्म परिवर्तन सर्वसत्तावादको विरुद्धमा देश व्यापि रुपमा जनप्रदर्शन गर्ने उनको भनाई थियो ।