ओली शक्तिशाली बन्दै अर्कोपटक पनि अध्यक्ष बन्ने बाटो खुलाउँदै, गौतमको असहमतिः आत्मसर्मण गरेको छैन
नेपालबहस संवाददाता
चैत ७, २०७७ आइतबार ४:८:५
७ चैत, काठमाडौं । एमालेभित्र सर्वशक्तिमान नेताको रुपमा उदाएका केपी ओलीले आफू समानका नेताहरुलाई कारवाहीको डण्डा चलाएका छन् । सत्तारुढ दल नेकपा एमालेमा चर्केको विवादका बीच वरिष्ठ नेता माधवकुमार नेपाल समूहमाथि कारबाहीको प्रक्रिया शुरु भएको छ । अध्यक्ष तथा प्रधानमन्त्री ओलीले बालुवाटारमा बोलाएको केन्द्रीय कमिटी बैठकले माधव समूहका ४ जना नेतालाई स्पष्टीकरण सोध्ने निर्णय गरेपछि कारवाहीको प्रकृया शुरु भएको हो ।
तर त्यही बैठकमा उपस्थित भएका उपाध्यक्ष बामदेव गौतमले भने नेताहरुको अनुपस्थिति विना कारवाही प्रकृया अघि बढाउन अनुपयुक्त हुने भन्दै शनिवार राती असहमति प्रकट गरेका छन् । गौतमले ओलीको कदम गलत भएको बताउँदै आफूले ओलीसँग आत्मसमर्पण नगरेको बताएका छन् । शनिवार राती फेसबुकमार्फत नेकपा (एमाले) का उपाध्यक्ष तथा पार्टी एकता राष्ट्रिय अभियानका संयोजक क. वामदेव गौतमले फागुन २८ को बैठक केन्द्रीय कमिटीको नभएकाे दावी गरेका हुन् ।
त्यसले गरेका निर्णय फिर्ता लिनैपर्छ भन्ने अडान राखेका छन् । ‘पार्टी भित्र रहेका कमरेडहरुलाई उहाँहरुको अनुपस्थितिमा कुनै कारवाही गर्न मिल्दैन र केपी ओली एमाले अध्यक्ष हुनुहुन्छ, त्यसलाई समूह भन्न मिल्दैन । तर उहाँको कार्यशैली गलत छ । उहाँका अगाडि मैले आत्मसमर्पण गरेको छैन, गर्ने पनि छैन, म पार्टी एकता राष्ट्रिय अभियानमा छु, उद्देश्य पूरा नहुँदासम्म अभियान जारी रहने छ’, उनले भनेका छन् ।
शनिवारको बैठकपछि जानकारी दिँदै सो समूहले प्रवक्ता तोकेका प्रदीप ज्ञवालीले ४ जना नेताहरुलाई स्पष्टीकरण सोध्ने निर्णय भएको जानकारी दिएपछि गौतमको सो धारणा सार्वजनिक भएको हो । वरिष्ठ नेता माधवकुमार नेपाल, भीम रावल, सुरेन्द्र पाण्डे र घनश्याम भुसाललाई स्पष्टीकरण सोध्ने निर्णय भएको थियो । फागुन २३ पछि पनि गुटगत भेला गरेको भन्दै उनीहरुलाई स्पष्टीकरण सोध्ने निर्णय भएको थियो । २३ फागुनमा सर्वोच्च अदालतले एमाले र माओवादी केन्द्रलाई ब्युँताइदिएको थियो । ४ जना बाहेक अन्य नेताहरुले आत्मसमीक्षा गरी पार्टीमा सक्रिय भए स्वागत गरिने ओली पक्षले जनाएको छ ।
यस्तै बैठकले १० औं महाधिवेशन आयोजक कमिटी गठन गरेको थियो । एमाले केन्द्रीय कमिटीलाई महाधिवेशन आयोजक कमिटीमा रुपान्तरण गरिएको थियो । उनले २६४ सदस्यीय केन्द्रीय कमिटीलाई आयोजक कमिटी बनाइएको र त्यसको पदाधिकारीमा अध्यक्ष र महासचिवमात्र रहेको जानकारी गराइएको छ । यस्तै बैठकले स्थायी कमिटी र नेताहरुको जिम्मेवारीबारे गृहकार्य गर्न संगठन विभाग प्रमुख विष्णु पौडेल, मोर्चा विभाग प्रमुख टोपबहादुर रायमाझी र शंकर पोखरेल सदस्य रहेको कार्यदल बनाइएको छ । यस्तै एमाले सम्बद्ध जनवर्गीय संगठनहरुको केन्द्रीय कमिटीलाई महाधिवेशन आयोजक कमिटीमा रुपान्तरण गर्न पनि निर्देशन दिने निर्णय गरिएको छ ।
शनिवार वालुवाटारमा भएको बैठकबाट ओलीले स्थायी कमिटी विस्तार, संसदीय दलको विधान संशोधन गरेर निर्वाचन आयोगमा पत्रचार गर्ने अधिकार र समानुपातिक सांसदहरु हटाउने र राख्ने अधिकार प्रत्योजन गर्ने तथा चार जना नेतालाई स्पष्टिकरण सोधेर कारवाही गर्नेसम्मको अधिकार लिएर ओलीले पार्टीभित्रको सबै अधिकार कब्जामा लिएका छन् । उनले शनिवारकै बैठकबाट १० औं राष्ट्रिय महाधिवेशनका लागि आयोजक कमिटी गठन गर्न लगाएर माधव नेपाल पक्षलाई पार्टीभित्र निषेध गर्ने रणनीति लिएका छन् ।
पार्टीभित्र केन्द्रीय कमिटीको १० औ बैठकमा नेपाल पक्षका कोही पनि नेताहरुलाई नबोलाई केन्द्रीय कमिटी विस्तार गरेर ओलीले आफ्नो पक्षमा बहुमत मात्रै पुर्याएनन उनले विधान संशोधन गरेर पार्टीभित्र ७० वर्षको उमेर हद हटाएर अबको दिनमा आफै अध्यक्ष बन्ने बाटो समेत खुलाए । शनिवारको १२ औं बैठकले विद्यमान दुई सय ६४ सदस्यीय केन्द्रीय समितिलाई महाधिवेशन आयोजक समितिमा रुपान्तरण गरे । बैठकले वर्तमान अध्यक्ष ओली र महासचिव ईश्वर पोखरेल आयोजक समितिको क्रमशः अध्यक्ष तथा महासचिव रहने निर्णयसमेत गराए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
सत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
सुनचाँदीको मुल्य घट्यो, कतिमा हुँदैछ कारोबार ?
बैशाख ११, २०८१ मंगलबार
विमानस्थलबाट सिधै शितल निवास पुगे कतारी राजा
बैशाख ११, २०८१ मंगलबार
सिलाइ मास्टर जीवनका चट्ट परेका कोट
बैशाख ११, २०८१ मंगलबार
महाकाली अस्पतालमा रेबिजविरुद्धको खोप अभाव
बैशाख ११, २०८१ मंगलबार
नासाको भोएजर अन्तरिक्ष यानद्धारा पृथ्वीमा इन्जिनियरिङ् अद्यावधिक पठाउन पुनः सुरु
बैशाख ११, २०८१ मंगलबार
‘सेन्झाउ–१८’ चालक दल अन्तरिक्ष यान प्रक्षेपणका लागि तयार
बैशाख ११, २०८१ मंगलबार
राष्ट्रपति पौडेलले कतारी राजाको सम्मानमा आज साँझ राजकीय भोजको आयोजना गर्ने
बैशाख ११, २०८१ मंगलबार