ढुङ्गाले हिर्काएर सडक पेटीमा सुतिरहेका व्यक्तिको हत्या

८ चैत,काठमाडौं । काठमाडौं महानगरपालिका–१४ कलङ्कीमा आइतबार सडक पेटीमा सुतिरहेका व्यक्तिको ढुङ्गाले हिर्काएर हत्या भएको छ । हत्या हुनेमा ५५ वर्षको पुरुष रहेका छन् । कलंकी क्षेत्रमा मजदुरी गरेर खाइ हिँड्ने उनको आज विहान साढे २ बजे सडक पेटीमा सुतिरहेको बेला ढुङ्गाले हिर्काएर हत्या भएको थियो ।

टाउकोमा चोट लागेका उनको उपचारको क्रममा शहीद अस्पतालमा मृत्यु भएको हो । हत्या आरोपमा प्रहरीले सिन्धुलीको सुनकोशी गाउँपालिका घर भएका २१ वर्षीय दिनेश थापालाई पक्राउ गरेको छ । प्रहरीले थापालाई ढुंगेअड्डाबाट पक्राउ गरेको हो । थापाले ढुंगाले हिर्काएर उनको हत्या गरेको प्रहरीसँग स्वीकार गरेका छन् ।