ओलीलाई डा भट्टराईले दिए नेपाली हिट्लरको उपमा

८ चैत, काठमाडौं । जनता समाजवादी पार्टीका संघीय परिषद्का अध्यक्ष डा बाबुराम भट्टराईले प्रधानमन्त्री केपी ओलीलाई हिटलरसँग तुलना गरेका छन्। ट्वीट्मार्फत पूर्वप्रधानमन्त्रीसमेत रहेका डा भट्टराईले ओलीलाई हिटलरसँग तुलना गर्दै नेपाली हिटलरको उदय भइरहेको उल्लेख गरेका छन्।

‘हिट्लरबारे चर्चित भनाइ छ -पहिले उनीहरू यहुदीविरूद्ध जाइलागे, म बोलिनॅ किनकि म यहुदी थिइनॅ;…अन्त्यमा उनीहरू मबिरूद्ध आइलागे, कोही पनि बोलेन किनकि कोही पनि बाँकी थिएन! नेपाली हिट्लरको उदय त्यसरी नै भैरहेछ! उसले पार्टी, राज्यको शक्ति आफुमा केन्द्रित गरेर सबैमाथि खड्ग चलाउॅदैछ! होशियार!,’ भट्टराईले लेखेका छन्।