वीपी कोइरालाको शालिक पून: निर्माण गर्ने निर्णय : कांग्रेस वीपी

८ चैत्र, काठमाडौं । नेपाली कांग्रेस वीपीले रौतहट जिल्ला गौर नगरपालिका गौरको वीपी चोकमा रहेको वीपी कोइरालाको शालिक पून: निर्माण गर्ने निर्णय भई निर्माण समिति बनेको गौर नगरपालिका र जिल्ला प्रशासन कार्यालयलाई जानकारी दिएको छ ।

आज पार्टी महामन्त्री सुशीलमान शेरचनले गौर नगरपालिका प्रमुख अजयकुमार गुप्तालाई गत फागुन महिना ३ गते हाम्रो पार्टी महामन्त्री पुष्पराज पराजुलीसँग भएको संवाद अनुसार पार्टीको मिति यहि चैत २ र ३ गते केन्द्रिय कार्यालय सामाखुसी काठमाडौंमा बसेको केन्द्रिय समितिको २९ औं बैठकको निर्णय नम्बर ४ अनुसार रौतहट जिल्ला गौर नगरपालिका गौरको वीपी चोकमा रहेको वीपी कोइरालाको शालिक विगत केहि वर्ष पहिला नै तोडफोड भएकोमा पार्टीले वीपी कोइरालाको शालिक निर्माण गरि पूनस् स्थापित गर्न रौतहट जिल्ला सभापति अशोककुमार यादवको संयोजकमा ५ सदस्यीय निर्माण समिति बनेको जानकारी दिए ।

पार्टीले शालिक निर्माण तथा पूनस् स्थापना सम्बन्धमा अन्य कुनै नागरिक अभियान्ता वा पार्टीहरुले बनाउन लागेको जानकारी भए दिन र शालिक निर्माणमा आवश्यक सहयोगका निमित्त अनुरोध पनि गरेको छ । २०६४ मा भएको मधेश क्रान्तिको क्रममा वी पी चोकमा रहेको वी पी शालिक तोडफोड भएको थियो ।

शालिक तोडफोड भएको स्थानमा गत माघ २६ गते नगरपालिकाका नगर प्रमुख अजय कुमार गुप्ताले गौर स्मृति टावर निर्माणको लागि शिलान्यास गरेका थिए ्र शिलान्यास बाहे देखि नै नेपाली कांग्रेस वीपी र नेपाली कांग्रेसले विरोध गर्दै आएको थियो । स्मृति टावर निर्माणको वास्तविकता बुझ्न कांग्रेस वीपीले पार्टी फागुन ३ गते महामन्त्री पुष्पराज पराजुलीलाई गौर पठाएको थियो ।

पार्टी महामन्त्री पराजुलीसँग नगर प्रमुख गुप्ताले गरिएको संवादको आधारमा शालिक निर्माण तथा पूनस् स्थापनाका लागि समिति निर्माण गरिएको पार्टीले बताएको छ । संवादमा गुप्ताले वीपी कोइराला सबैले माने नेता भए पनि आफ्नो तर्फबाट शालिक निर्माण गर्न नसकिने तर कसैले बनाए अवरोध नगरिने र शालिक र पार्कको व्यवथापन नगरपालिकाले गर्ने बताएकाले आफ्नो पार्टीले शालिक निर्माण तथा पून: स्थापना गरि नगरपालिकाको जिम्मा लगाउने पार्टीले बताएको छ ।