‘रोड सेफ्टी सिरिज’मा सचिनसहित यी ६ खेलाडीले बनाए सर्वाधिक रन

९ चैत, काठमाडौं । पहिलो संस्करणको रोड सेफ्टी टी-२० वर्ल्ड सिरिज गएराति सकिएको छ । यो सिरिजको उपाधि भारत लेजेन्ड्स टिमले जितेको छ ।

उसले श्रीलंका लेजेन्ड्सलाई १४ रनले हराउँदै सिरिज जितेको हो । संन्यास लिइसकेका क्रिकेटरले खेल्ने यो सिरिजमा धेरै खेलाडीले आक्रामक ब्याटिङ गरे ।

तिलकरत्ने दिलशान – यो सूचीको शीर्ष स्थानमा श्रीलंका लेजेन्ड्स टिमका कप्तान तिलकरत्ने दिलशानको नाम आउँछ । उनले ८ म्याचमा १३६.८६ को स्ट्राइक रेटमा सर्वाधिक २ सय ७१ रन बनाए ।

दिलशानले ८ म्याचमा दुई अर्धशतक बनाए । यसक्रममा उनले ४७ चौका र एक छक्का हिर्काए ।

उपल थरंगा – सर्वाधिक रन बनाउने सूचीको दोस्रो स्थानमा श्रीलंका टिमकै विकेटकीपररब्याट्सम्यान उपल थरंगाको नाम आउँछ । उनले ६ म्याचमा १३३.८९ को स्ट्राइक रेटमा २ सय ३७ रन बनाए ।

थरंगाले पहिलो सिजनको रोड सेफ्टी सिरिजमा दुई अर्धशतक बनाउँदा ३१ चौका र पाँच छक्का हिर्काए ।

सचिन तेन्दुलकर – यो सूचीको तेस्रो स्थानमा भारतीय लेजेन्ड्स टिमका कप्तान सचिन तेन्दुलकरको नाम आउँछ ।

उनले ७ म्याचमा १३८.६९ को स्ट्राइक रेटमा २ सय ३३ रन बनाए । त्यसक्रममा सचिनले दुई अर्धशतक बनाउँदा ३४ चौका र चार छक्का प्रहार गरे ।

मोर्नेभ्यान विक – दक्षिण अफ्रिका लेजेन्ड्स टिमका मोर्नेभ्यान विक यो सूचीको चौथो स्थानमा पर्छन् ।उनले ६ म्याचमा दुई अर्धशतकको सहयोगमा २ सय २८ रन बनाए । त्यसक्रममा उनले २७ चौका र पाँच छक्का हिर्काए ।

वीरेन्द्र सहवाग – सर्वाधिक रन बनाउने सूचीको पाँचौ स्थानमा भारत लेजेन्ड्स टिमका ओपनर वीरेन्द्र सहवागको नाम आउँछ ।

उनले ७ म्याचमा १५३.९५ को स्ट्राइक रेटमा २ सय १४ रन बनाए । सहवागले पहिलो सिजनको रोड सेफ्टी सिरिजमा दुई अर्धशतक बनाउँदा २८ चौका र सात छक्का प्रहार गरे ।

युवराज सिंह -यो सूचीको छैठौँ स्थानमा भारतीय लेजेन्ड्स टिमका युवराज सिंहको नाम आउँछ । भारतलाई उपाधि दिलाउन उनको भूमिका अहम् रह्यो ।

युवराजले ७ म्याचको ६ इनिङ्स खेल्ने मौका पाए । त्यसक्रममा उनले १७.१७ को शानदार स्ट्राइक रेटमा १ सय ९४ रन बनाए ।

युवराज यो सिजनमा सर्वाधिक छक्का प्रहार गर्ने ब्याट्सम्यान पनि हुन् । उनले सर्वाधिक १७ छक्का हिर्काए । साथै, उनले ६ म्याचमा १० छक्का प्रहार गरे ।