योगेशकाे ट्वीट : सोध्नेहरू नै लाखौं प्रश्नको घेरामा !

९ चैत, काठमाडाैं ।  नेकपा एमालेका नेता एवं पूर्व मन्त्री योगेश भट्टराईले एमालेमा जारी विवादका बीच सोधिएको स्पष्टीकरणका सम्बन्धमा मुख खोलेका छन् । भट्टराईले प्रश्न सोध्नेहरू नै लाखौं प्रश्नको घेरामा रहेको भन्दै ट्वीट गरेका छन् ।

चैत ७ गते प्रधानमन्त्रीको सरकारी निवास वालुवाटारमा शनिबार बसेको केन्द्रीय कमिटी बैठकले पार्टीको विधान र हितविपरीत गतिविधि गरेको भन्दै नेता नेपाल, उपाध्यक्ष भीम रावल, उपमहासचिव घनश्याम भुसाल र स्थायी कमिटी सदस्य सुरेन्द्र पाण्डेलाई स्पष्टीकरण सोध्ने निर्णय गरेको थियो ।

यसैबीच,  एमाले महासचिव ईश्वर पोखरेलले माधव नेपालसहित चार नेतालाई तीन दिने स्पष्टीकरण साेधेका छन् । पार्टी कार्यालका कर्मचारी कुमार उप्रेतीले चारै नेताका घरमा स्पष्टीकरण पुर्‍याइएका छ ।

महासचिव पोखरेलले हस्ताक्षर गरेको पत्रमा तीन दिनभित्र चित्तबुझ्दो जवाफ दिन भनिएको छ । चित्तबुझ्दो स्पष्टीकरण नदिए पार्टी विधानअनुसार थप कारबाही गरिने निर्णय पनि बैठकले गरेको थियो ।

सोध्नेहरु स्वयं लाखौ प्रश्नको घेरामा छन !

— Yogesh Bhattarai (@yogesbhattarai) March 22, 2021