वोमी लघुवित्तको कारोबार फुकुवापछि शेयरमा उच्च माग

९ चैत, काठमाडौं । मर्जरका लागि रोकिएको वोमी लघुवित्त वित्तीय संस्थाको शेयर कारोबार आज (सोमवार) देखि फुकुवा भएको छ । यस लघुवित्त र ग्रामीण स्वयंसेवक लघुवित्त एक आपसमा मर्जरमा गएपछि वोमी लघुवित्तको शेयर कारोबार रोकिएको थियो ।

सोमवार कम्पनीको शेयरमूल्य कारोबार ५ दशमलव ९७ प्रतिशतले वृद्धि भएको छ । प्रतिकित्ता ७११ मा खुला भएर शेयरमूल्य रू। ७४५ पुगेको हो । मार्केट डेप्थमा खरीद अर्डर ८ लाख ४९ हजार ७१७ कित्ता छ भने विक्रेता एउटा पनि छैनन् ।

वोमी लघुवित्त र ग्रामीण स्यंसेवक लघुवित्तबिच एक आपसमा मर्जरमा गएपछि वोमी लघुवित्त वित्तीय संस्थाको नामबाट चैत ३ गतेदेखि एकीकृत कारोबार शुरु भएको हो ।