सम्झौता कार्यान्वयन गर्न विप्लबको माग

९ चैत, काठमाडौं । राजनीतिक रुपमा आइपर्ने समस्या व्यवस्थापन गर्न जस्तोसुकै सहमति गर्ने तर आफू माथि परेपछि कार्यान्वयन नगर्ने प्रवृत्ति केपी ओलीको खासियत नै हो । उनको यही शैली र चरित्रले गर्दा देशले ठूल्ठूला समस्याहरु भोगेको इतिहास साक्षी छ । यतिबेला त्यही नियति दोहरिएको छ– नेकपा विप्लब समूहलाई ।

फागुन २० गते नेपाल सरकारले बढो तामझामका साथ नेत्रविक्रम चन्द ‘विप्लब’ नेतृत्वको माओवादीसँग सम्झौतापत्रमा हस्ताक्षर ग¥यो । तर कार्यान्वयन भने शून्य । त्यसैले आजित भएका विप्लब आज बालुवाटार पुगे । बालुवाटारमा विप्लवले प्रधानमन्त्री ओलीसँग भेटेर विगतको सम्झौता कार्यान्वयन गर्न आग्रह गरे ।

सम्झौता बमोजिम सरकारले विप्लबका कार्यकर्ताहरुलाई थुनामुक्त गर्नुपर्ने हो । तर अहिलेसम्म सरकारका तर्फबाट मुद्धा फिर्ता र रिहाईका लागि कुनै पहल भएको छैन । त्यसैले वाध्य भएर विप्लबले ओलीलाई भेटेको उनी निकट स्रोतले बतायो । भेटका बेला समसामयिक राजनीतिक परिवेशबारे समेत कुराकानी भएको थियो ।

ओली र पुष्पकमल दाहाल ‘प्रचण्ड’बीच विगतमा आलोपालो सरकारको नेतृत्व गर्ने वहुचर्चित सम्झौता उल्लघंन गरिएपछि देशको राजनीतिक माहोल नै अस्तव्यस्त भएको हो ।