मदनकृष्णले भने, ‘फुलबुट्टे सारी’ गाउने वियोन्सलाई भेटेर नै धन्यवाद दिने मन छ

काठमाडौं । यतिबेला ‘फुलबुट्टे सारी’ गीतले चर्चा कमाइरहेको छ । यो गीतलाई हालसम्म ४ करोड भन्दा बढीले हेरिसकेका छन् । यो गीतले विश्वभरका नेपालीहरुको रोजाइमा परेको छ ।

यो गीतले नेपालीहरुलाई मात्र होइन, विदेशीहरुलाई पनि आकर्षित गरेको देखिन्छ । यतिबेला युगान्डाकी गायिका दे क्वाप्टेन वियोन्स फमासीले गाएको ‘फुलबुट्टे सारी’ गीतको कभर चर्चामा छ । अहिले उनको स्वर टिकटकमा भाइरल भैरहेको छ ।

वियोन्सको स्वरमा ‘फुलबुट्टे सारी’ सुनेपछि गायक तथा कलाकार मदनकृष्ण श्रेष्ठले उनलाई भेटेर नै धन्यवाद दिने चाहना व्यक्त गरेका छन् । सामाजिक संजालमा मदनकृष्णले लेखेका छन्–‘यी युगाण्डाकी गायिकाले सपक्क फुलबुट्टे लूगा नै लगाइवरी कभर गीतको रुपमा गायकी कति राम्रो कति मिठो । सुहाएको पनि उस्तै । यो गीतको ४ वटा भर्सन सार्वजनिक भयो । जसमा लिजेन्ड भर्सनमा मदनकृष्णले स्वर दिएका थिए ।