स्टार किड्स सनाया बलिउडमा डेब्यू गर्दै

काठमाडौं । बलिउडको शक्तिशाली फिल्म निर्माण कम्पनी धर्मा प्रोडक्शनले नायक संजय कपुरकी छोरी सनाया कपुरलाई बलिउडमा डेब्यू गराउने तयारी गरेको छ । धर्मा प्रोडक्शनले स्टार किड्सहरुलाई मात्र बलिउडमा डेब्यू गराउँदै आएको भन्ने आरोप लाग्ने गरेको छ । तर त्यहि आरोप को बिचमा प्रोडक्शनले स्टार किड्सहरुलाई डेब्यू गराउन भने छाडेको छैन ।

धर्माका प्रमुख करण जोहरलाई बलिउडमा ‘नेपोटिज्म’लाई अगाडि बढाउन प्रमुख भूमिका खेल्ने गरेको आरोप समेत लाग्दै आएको छ । सनाया धर्मा कर्नरस्टोन एजेन्सीमा आवद्ध भैसकेकी छिन् । साथै, उनले जुलाई महिनाबाट छायांकन हुने नयाँ चलचित्रबाट बलिउडमा डेब्यू समेत गर्ने छिन् । सनायाले चलचित्र ‘गुञ्जन सक्सेना’मा पनि सहयोगीको रुपमा काम गरिसकेकी थिइन् । उनले हालै मात्र एक वेव सिरिजमा पनि काम गरेकी थिइन् ।

शनाया कपुरअघि करण जौहरले बलिउडमा आलिया भट्ट, वरुण धवन, जान्ह्वी कपुर, ईशान खट्टर, अनन्या पाण्डेजस्तै स्टारकिड्स लञ्च गरेका छन् । यस्तै करणले जान्ह्वीकी बहिनी खुसी कपुर र शाहरुख खानकी छोरी सुहाना खानलाई पनि बलिउडमा लञ्च गर्ने हल्ला चलेको छ ।