मंगलबार माओवादी केन्द्रकाे स्थायी कमिटी बैठक बस्ने

९ चैत, काठमाडौं । नेकपा माओवादी केन्द्रकाे स्थायी कमिटी बैठक मंगलबार बस्ने भएकाे छ । वर्तमान राजनीतिक परिस्थितिबारे छलफल गर्न माओवादी केन्द्रले स्थायी कमिटी बैठक बोलाएको हाे ।

भाेली बिहान ८ बजे केन्द्रीय कार्यालय पेरिसडाँडा, कोटेश्वरमा बस्नेगरी बैठक बस्ने छ ।  बैठकमा पार्टी सांगठनिक र वर्तमान राजनीति परिस्थितिबारे छलफल हुनेछ । बैठकमा सरकारलाई दिएको समर्थन फिर्ता र नयाँ सरकार निर्माणका लागि गठबन्धन गर्ने विषयमा छलफल हुने बुझिएको छ ।

एमाले अध्यक्ष केपी ओली सरकारलाई दिएको समर्थन माओवादीले फिर्ता लिएको छैन । माओवादीले समर्थन फिर्ता नलिएरै ओलीको विकल्प दिन कांग्रेस र जनता समाजवादी पार्टीसँग संवादमा अगाडि बढाएको थियो ।

कांग्रेस र जसपाले माओवादीलाई समर्थन फिर्ता नगरेकाले राजनीतिक निवासको ढोका नखुलेको बताउँदै आएका छन् ।