मंगलबार पनि वोमी लघुवित्तको शेयरमा उच्च माग

१० चैत, काठमाडौं । मंगलबार पनि वोमी लघुवित्त वित्तीय संस्थाको शेयर उच्च माग देखिएको छ । मर्जरका लागि रोकिएको लघुवित्तको शेयर कारोबार सोमवार फुकुवा भएको थियो।

फुकुवा भएपश्चात कम्पनीको शेयरमा उच्च माग देखिएको छ । यस लघुवित्त र ग्रामीण स्वयंसेवक लघुवित्त एक आपसमा मर्जरमा गएपछि वोमी लघुवित्तको शेयर कारोबार रोकिएको थियो ।

सोमवार कम्पनीको शेयरमूल्य कारोबार ५ दशमलव ९७ प्रतिशतले वृद्धि भएको छ थियो भने प्रतिकित्ता ७११ मा खुला भएर शेयरमूल्य ७४५ पुगेको हो । मार्केट डेप्थमा खरीद अर्डर ८ लाख ४९ हजार ७१७ कित्ता रहेकोमा भने विक्रेता एउटा पनि देखिएका थिएनन् ।

मंगलबार भने कम्पनीको शेयरमूल्य कारोबार १ दशमलव ८८ प्रतिशतले वृद्धि भएको छ । प्रतिकित्ता ७१७ मा खुला भएर शेयरमूल्य ७५९ पुगेको हो । मार्केट डेप्थमा खरीद अर्डर ४ लाख ४४ हजार कित्ता छ भने विक्रेता एउटा पनि छैनन् ।