फैसला पुनरावलोकनमा जाने मनस्थितिमा माओवादी केन्द्र

१० चैत, काठमाडौं ।  नेकपा माओवादी केन्द्रले नेकपा नामको विवादमा सर्वोच्च अदालतको फागुन २३ को फैसला उपर पुनरावलोकनमा जाने विषयम कानून व्यवसायीहरुसँग छलफल गरेको छ। फैसला पनुरावलोकनका लागि कसरी जाने भन्ने विषयमा सिंहदरवारमा माओवादी केन्द्रका नेताहरुले फैसला पुनरावलोकन हुने आधारहरुका सम्वन्धमा कानून ब्यवसायीहरुसँग छलफल गरेका हुन् ।

संसदीय दलको कार्यालय सिंहदरबारमा माओवादी केन्द्रका स्थायी कमिटि सदस्य र कानुन व्यवसायीको छलफलमा नेकपा नाम विवादबारे सर्वोच्चले गरेको फैसला पुनरावलोकनमा जाने विषयमा छलफल भएको प्रमुख सचेतक देव गुरूङले जानकारी दिएका छन्।

‘नेकपा नाम विवादमा सर्वोच्चले गरेको फैसला पुनरावलोकनमा जाने विषयमा आफूहरु सकारात्मक रहेको र कानुन व्यवसायीले पुनरावलोकनमा जान सुझाएका दिएको बताए । छलफलका क्रममा कानुन व्यवसायीहरू शम्भु थापा, चण्डेश्वर श्रेष्ठ, रामनारायण बिडारी, मुक्ति प्रधानलगायत सहभागी थिए। फैसला चित्त नबुझे फैसला भएको ६० दिनभित्र पुनरावलोकन गर्न सकिने  ब्यवस्था छ ।