सरकार सुतिरहेको छ, मौन सहमति गरिरहेको छ : बडू

१० चैत, काठमाडाैं । प्रतिनिधिसभाको आजको बैठक सुरु भएको छ ।  बैठकमा कांग्रेस सांसद दिलेन्द्र प्रसाद बडूले सीमा क्षेत्रमा निर्माणधिन तटबन्धबारे नेपाल सरकार र गृहमन्त्रालय बेखबर भएर रहेको बताएका छन्र ।  भारतले नेपालसँगको सीमा क्षेत्रमा एकतर्फी रुपमा निर्माण गरिरहेको तटबन्ध निर्माणमा नेपाल सरकारले मौन सहमति गरेको भन्दै कांग्रेसले प्रश्न उठाएका हुन् ।

दार्चुलाको सदरमुकाम स्थित महाकाली नगरपालिका वडा नम्बर ५ को पारीपट्टी भारत सरकारले तीन महिना यता नेपाल सरकारको कुनै सहमति र जानकारी बिना एकतर्फी रुपमा नेपालको समेत जमिन समेटेर तटबन्ध बनाइरहेको भन्दै उनले सरकारको ध्यानाकर्षण गरेका हुन् ।

उनले बैठकमा बाेल्दै भने, ‘सिडिओले पारीपट्टी पत्राचार गर्दा सुनुवाई भएन । त्यहाँको जनता, पार्टीका नेता कार्यक्रताले पटक पटक गृहमन्त्रालयमा ताकेता गरिरहेका छन् । तर, नेपाल सरकार सुतिरहेको छ बेखबर छ र मौन सहमति गरिरहेको छ यो निर्माणका क्रममा’ सांसद बडूले भने । दर्चाुलाकै सांसद मन्त्री रहेको बेला समेत यो विषयमा कुनै सुनुवाई नभएको भन्दै रोष प्रकट गरे ।

यस्तै नेता बडुले वर्तमान सरकारले आफुलाई राष्ट्रवादी भन्ने गरेको तर, व्यवहारमा त्यस्तो नदेखिएको टिप्पणी गरेका छन् ।  सीमा क्षेत्रमा भइरहेको निर्माण तत्काल रोकिनुपर्ने भन्दै यनले रोक्ने निर्देश्न सिडिओलाई नि सरकारलाई आग्रह गरे । र अर्को बैठकमा सरकारबाट आफुले जवाफ चाहेको उनले बताएका छन् ।