नेपालमा लकडाउनको वर्ष दिन बित्न नपाउँदै संक्रमणको जोखिम उच्च
नेपालबहस संवाददाता
चैत ११, २०७७ बुधबार १३:५०:४१
११ चैत, काठमाडौं । नेपालमा कोरोना संक्रमणका कारण लकडाउन गरेको एक वर्ष पुगेको छ। गत वर्ष चैत ११ गतेदेखि कोरोना भाइरसको सम्भावित संक्रमण नियन्त्रण गर्न सरकारले लकडाउन गरेको थियो । पटक-पटक गरी चार महिनाभन्दा बढी समय लकडाउन कायम रहेको थियो । अन्य देशमा लकडाउनलाई खुकुलो बनाएसंँगै भदौबाट मात्र नेपालमा केही सहज अवस्था भएको हो ।
लकडाउन गरेको वर्ष दिन बित्न नपाउँदै नेपालमा कोरोनाको दोस्रो लहर सुरु हुने देखिएको छ । दैनिक ५०-५५ जना सीमित संक्रमित ह्वात्तै बढेर १८८ जनासम्म पुगेको छ । हिजो मंगलबार मात्र १८८ जना नयाँ संक्रमित थपिएका छन् । केही दिन पहिलेसम्म यो सङ्ख्या सयभन्दा कम सङ्ख्यामा थियो । यसबाट नेपालमा संक्रमण बढ्न सक्ने देखाएको हो ।
केही दिनयता भारतका केही प्रान्तमा हालसम्मकै धेरै सङ्ख्यामा कोरोना संक्रमित बढ्न थालेपछि नेपालमा केही सतर्कता अपनाइएको छ । भारतसँगको खुला सिमाना भएका कारण पनि नेपालमा कोरोना संक्रमणको उच्च जोखिम छ ।
टेकुस्थित शहीद शुक्रराज ट्रपिकल तथा सरुवा रोग अस्पतालका अनुसार केही दिनअघिसम्म एक-दुई जना मात्र कोरोना संक्रमितका बिरामी हुने गरेकोमा हाल सात जना भर्ना हुने गरेका छन। सात जनामध्ये पाँच जना आईसीयू तथा दुई जना आइसोलेसन वार्डमा उपचाररत छन् ।
सातदेखि १० प्रतिशत रहेका संक्रमित मंगलबारसम्म आइपुग्दा २० प्रतिशतमा वृद्धि भएपछि पछिल्लो समय मानिसले कोरोनालाई बेवास्ता गर्न थालेको हो भन्ने पनि अनुमान गर्न सकिन्छ । तेसो त हिजो आज धेरै जसोले सार्वजनिक यातायातमा वा सडकमा हिँड्ने सबैले मास्क प्रयोग गर्न छोडेको पनि देखिन्छ । कोरोनालाई बेवास्ता गरे यसको दोस्रो वेभ पहिलेको भन्दा खतरा हुनसक्ने विज्ञहरुले बताएका छन् ।
स्वास्थ्य मन्त्रालयले सोमबार एक विज्ञप्ति जारी गर्दै सभा, सम्मेलन, धर्ना, जुलुस, जमघटजस्ता कार्य गर्न बन्द गर्नुपर्ने जनाएको छ । मन्त्रालयका अनुसारनागरिक आफैँ सचेत बन्नुपर्नेमा छ । सबैले आ–आफ्नो ठाउँबाट सचेत र सर्तकता अपनाए सके कोरोनालाई परास्त गर्न सकिने सकिने छ ।
यता भारतमा कोरोना भाइरस बढ्नुले नेपाललाई थप जोखिम बढाएको बढाएको छ । भारतमा संक्रमण बढ्दै जाँदा कोरोना भाइरस नयाँ ढङ्गबाट फैलिरहेको हो कि भन्ने शङ्का उब्जाएको छ । पछिल्लो समय युरोपेली देश मात्र होइन छिमेकी देश भारतमा पनि कोरोना संक्रमणको नयाँ अध्याय सुरु भएको छ । भारत, बङ्गलादेशमा संक्रमितको सङ्ख्या बढ्न थालेको भन्दै नेपालमा यो बढ्दो क्रममा रहेको विज्ञहरुले बताएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार