सर्लाहीमा आगलागी हुँदा १० लाखको क्षति

११ चैत, जनकपुरधाम । सर्लाहीमा विद्युत सर्ट भएर आगलागी हुँदा १० लाखको क्षति भएको छ । जिल्लाको सर्लाहीको बरहथवा नगरपालिकामा भएको आगलागीबाट १० लाख रुपैयाँ बराबरको क्षति भएको हो ।

नगरपालिकाको वडानम्बर ९ ब्रहमस्थान बस्ने राजकुमार महतोको घरमा विद्युत सर्ट भएर मंगलबार राति आगलागी हुँदा घर, घरभित्र रहेको नगद ३ लाख ५० हजारसहित सम्पूर्ण सामान जलेको प्रहरीले जनाएको छ ।

सोही आगोले राजकुमारका छिमेकी जोगि महतोको घरको काठको बरण्डामा राखिएको ५० हजार बराबरको कपडा जलेर भएको छ ।
उक्त आगोलाई स्थानीयवासी र प्रहरी मिलेर नियन्त्रणमा लिएको सर्लाही प्रहरीका प्रक्ता मदन कुँवरले जानकारी दिए ।