मन्त्रालयले भन्याे, अब मास्क नलाउनेलाई कारबाही गर्नु

११ चैत, काठमाडौं । नेपालमा पछिल्लो समय कोरोना भाइरस संक्रमित हुनेको सङ्ख्या बढ्न थालेको छ । दैनिक संक्रमित थपिने दर बढेसँगै सरकारले सर्कुलर जारी गरेको छ। पछिल्लो २ महिनादेखि नेपालमा नयाँ संक्रमित थपिने दर एक सयभन्दा बढी रहेको र निको हुने दर १ सयभन्दा कम रहेको छ ।

हिजो मात्रै १ सय ८८ जनामा कोरोना संक्रमण पुष्टि भएको थियो । स्वास्थ्य तथा जनसंख्या मन्त्रालयकोसूचनापछि गृह मन्त्रालयले सबै जिल्ला प्रशासनलाई थप तयारी थाल्न निर्देशन दिएको हो ।

आइतबार स्वास्थ्य मन्त्रालयको जानकारीपछि गृह मन्त्रालयले सबै जिल्ला प्रशासन कार्यालयमा आवश्यक तयारी गर्न, स्वास्थ्य मापदण्ड कडाइका साथ पालना गराउन मन्त्रालयले निर्देशन जारी गरेको हो । भारतसँग जोडिएका सीमानाकामा थप कडाई गर्न तथा क्वारेन्टाइन र आइसोलेसन सेन्टरहरु पनि पुनः तयारी अवस्थामा राख्न पनि मन्त्रालयले भनेको छ ।

यसअघि स्वास्थ्य मन्त्रालयले आइतबार सूचना जारी गर्दै भारतका विभिन्न राज्यमा कोराना संक्रमणको दर बढिरहेको र नेपालमा पनि जोखिम बढ्ने सम्भावना उच्च भएकाले थप सतर्कता अपनाउन आग्रह गर्दै सबै निकायलाई परिपत्र गरेको थियो ।

भारतीय सिमानाकाबाट नेपाल भित्रिनेको अनिवार्य तथ्याङ्क राख्न र ज्वरो नापेर शंकास्पद व्यक्तिलाई क्वारिन्टनमा राख्न पनि गृह मन्त्रालयले निर्देशन दिएको छ । मन्त्रालयको निर्देशनमा भिडभाड नगर्न÷नगराउन र मास्क सेनिटाइजर अनिवार्य प्रयोग गर्नु यदि नलाउनेलाई कारबाही गर्न पनि निर्देशन दिएको छ ।