विप्लव, प्रकाण्ड र सरकारका मन्त्रीबीच भेटवार्ता

 ११ चैत, काठमाडौं । नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ र नेता खड्गबहादुर विश्वकर्मा प्रकाण्डको सरकारका मन्त्रीहरूसँग भेटवार्ता भएको छ ।

फागुन २९ गते सरकारसँग ३ बुँदे सहमति गरेर शान्तिपूर्ण राजनीतिमा अवतरण गरेका विप्लवसहितका नेताहरूले मंगलवार खानेपानी तथा सरसफाइ मन्त्री मणि थापासँग भेटवार्ता गरेका हुन् । भेटवार्तामा पछिल्लो राजनीतिक घटनाक्रमका विषयमा छलफल भएको बुझिएको छ ।

शान्तिपूर्ण राजनीतिमा आएका विप्लव समूहका नेताहरूले माओवादी जनयुद्धको समयका सहयात्रीहरूलाई भेटिरहेका छन् । ‘मन्त्री क्वार्टरमा विशेष भेटघाटमा’ भन्दै मन्त्री थापाले विप्लवसहितको तस्वीर सार्वजनिक गरेका हुन् ।