रविन्द्रनाथ टैगोरको कथामा आधारित नाटक ‘मालिनी’ मञ्चन

काठमाडौं । राष्ट्रिय नाचघर जमलमा रविन्द्रनाथ टैगोरको कथामा आधारित नाटक ‘मालिनी’ मञ्चन भएको छ । बंगाली कवि टैगोरको कथामा आधारित नाटकलाई झोराहाट नाट्य समूहले मञ्चन गरेको हो ।

नाटकमा हन्दु धर्म र बुद्ध धर्मबीचको द्धन्द्ध देखाएको थियो । हिन्दु धर्म मान्ने परिवारमा हुर्के बढेकी काशीकी राजकुमारी मालिनीले बुद्ध धर्म ग्रहण गरेपछिको संघर्ष नाटकले प्रस्तुत गरेको छ । भरत गुरागाइँ, प्रज्जवल काफ्ले, गोमा पौडेल, सुरज माझी, प्रदीप सरदार लगायतका कलाकारले नाटकमा अभिनय गरेका छन् । नाटकलाई सुदीपजंग कार्कीले निर्देशन गरेका हुन् । १ घन्टा समयावधिको नाटकको अनुवाद नेचुरल्ली दीपकले गरेका हुन् ।

भगवान गौतम बुद्धको दर्शन तथा बोधिसत्वको प्रभावलाई रंगमञ्चमार्फत विश्वमाझ चिनाउने उद्देश्यसहित डबली थिएटरको आयोजनामा सुरु भएको बुद्ध थिएटर फेस्टिभल शनिबारसम्म चल्नेछ ।