कावासोतीबाट ८ जना जुवाडे पक्राउ

 १२ चैत, नवलपरासी ‘पूर्व’ ।   नेपाल प्रहरीले कावासोती नगरपालिकाबाट तास खेलिरहेको अवस्थामा ८ जनालाई पक्राउ गरेको छ । प्रहरीले कावासोती १३ बस्ने ५४ वर्षीय कृष्ण गुरुङको तमुको किराना पसलमा तास खेलिरहेको अवस्थामा कृष्ण गुरुङ लगायत ८ जनालाई बुधबार दिउँसो प्रहरीले पक्राउ गरेको हो ।

जिल्ला प्रहरी कार्यालय नवलपरासी ‘पूर्व’बाट खटिएको प्रहरीले उनीहरूलाई नगद ४९ हजार २ सय ७५ रुपैयाँ र ३ बुक तास सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।