ओलीकाे संसदीय दलको बैठक शुक्रबार बस्ने

१२ चैत, काठमाडौं । शुक्रबार ओली पक्षकाे संसदीय दलको बैठक बस्ने भएकाे छ ।  भाेली बालुवाटारमा प्रधानमन्त्री केपी ओली आफ्नो दल नेकपा एमालेको संसदीय दलको बैठक बोलाएका हुन् ।

स्राेतका अनुसार बैठक भोली दिउँसो ३ बजे सरकारी निवास बालुवाटारमा बस्ने छ । यसअघि बालुवाटारमा आयोजित संसदीय दलको बैठक माधवकुमार नेपाल समूहले बहिस्कार गरेको थियो ।

बालुवाटारमा हुने संसदीय दलको बैठकमा माधव नेपाल पक्षका सांसदहरू उपस्थित हुनेरनहुने टुङ्गो छैन। बालुवाटारमा हुने बैठकमा सहभागी नहुने नेता नेपालले बताउँदै आएका छन्।

यता, शुक्रबार नै एमाले माधवकुमार नेपाल समूहले केन्द्रीय कमिटी बैठक बोलाएको छ । यसअघि एमाले संसदीय दलको बैठक नेपाल समूहले बहिष्कार गरेको थियो ।