सेफ सन्तोषलाई नबिल बैंकको सम्मान, गृहनगरमा ई–पुस्तकालय बनाउने

१२ चैत, काठमाडौं । सेफ सन्तोषलाई नबिल बैंकको सम्मान गरेको छ ।

राष्ट्रिय तथा अन्तर्राष्ट्रिय जगतमा नेपाललाई चिनाएर नेपालको शिर उच्च राख्न सफल नेपालीहरुलाई सम्मान गर्ने मञ्चको रुपमा नबिल बैंकले हिरोज् अफ नेपालको आयोजना गर्न थालेको हो ।

हिरोज् अफ नेपालको दोस्रो संस्करणमा भने नेपाललाई अन्तर्राष्ट्रिय मञ्चमा चिनाएर लाखौंको माया पाउन सफल सेफ सन्तोष साहलाई बैंकले सम्मान गरेको हाे ।

सेफ सन्तोष शाहले यु.के. को मास्टरसेफ कार्यक्रममा नेपालको प्रतिनिधित्व गर्दै नेपाली परिकारहरुलाई विश्व सामु चिनाउनुका साथै नेपालीको शिष्टाचार र मैत्रीपूर्ण भावलाई पनि प्रदर्शित गरेर हरेक नेपालीलाई गौरवान्वित बनाएका थिए ।

सेफ सन्तोष साह, अनिल केशरी शाह र सुश्री अनुष्का श्रेष्ठबीच भएको प्यानल छलफलको क्रममा, सेफ सन्तोष साहले उनको प्रेरणादायक उपलब्धिहरूको बारेमा बोल्नुका साथै उनको जीवन र यात्राका चुनौतीहरू पनि वर्णन गरेका थिए । उक्त कार्यक्रममा बैंकको उच्च व्यवस्थापनतहका अधिकारिहरूको समेत उपस्थिती थियो ।

नबिल बैंकले सेफ साहलाई उनको उत्कृष्ट अनुगमनलाई जारी राख्न प्रोत्साहनको रूपमा प्रेरणादायक उपलब्धिका लागि सम्मानित गरेको जनाएको छ । सेफ साहको गृहनगरमा ई–पुस्तकालय निर्माण गर्न र ५ महिला विद्यार्थीहरुलाई छात्रवृत्ति प्रदान गर्ने प्रतिबद्धता बैंकले जनाएको छ ।

युवाहरूलाई आफ्नो जीवनमा केही ठूलो काम गरिहन उत्प्रेत गर्ने नबिल बैंकले आगामी दिनहरूमा यस श्रृंखलालाई निरन्तरता दिने संस्थागत संचार बिभाग प्रमुख कृष्ण सुवेदीले जानकारी दिए ।