सनराइज बैंकको बोनस शेयर नेप्सेमा सूचीकृत

१२ चैत, काठमाडौं । नेपाल स्टक एक्सचेञ्ज ‘नेप्से मा सनराइज बैंकको बोनस शेयर सूचीकृत भएको छ ।

बिहिबार बैंकको ५२ लाख १ हजार ३३० कित्ता बोनस शेयर नेप्सेमा सूचीकृत भएको हो ।

बैंकले आफ्ना शेयरधनीहरुलाई गत आर्थिक वर्षको मुनाफाबाट ५.८० प्रतिशत बोनस शेयर वितरण गरेको थियो । नेप्सेमा उक्त बोनस शेयर सूचीकृत भएको हो ।

उक्त बोनस शेयरधनीको डिम्याट खातामा आएपछि दोस्रो बजारमा किनबेच गर्न सकिनेछ ।