२४ घण्टामा थप १२० जना कोरोना संक्रमित

१२ चैत,काठमाण्डौ । नेपालमा पछिल्लो २४ घण्टामा थप १२० जनामा कोरोना भाइरसको सङ्क्रमण पुष्टि भएको छ । स्वास्थ्य मन्त्रालयका अनुसार २८९१ जनाको पीसीआर परीक्षण गर्दा १२८ जनामा सङ्क्रमण पुष्टि भएको हो । अहिलेसम्म कोरोना पोजेटिभ हुनेको सङ्ख्या २ लाख ७६ हजार ५ सय ९ पुगेको छ ।

यस्तै थप ८५ जना निको भएर घर फर्केका छन् । योसँगै सङ्क्रमणमुक्त हुनेको सङ्ख्या दुई लाख ७२ हजार २ सय ७२ पुगेको छ । अहिले नेपालमा १२१७ जना सक्रिय सङ्क्रमित रहेका छन् ।

पछिल्लो २४ घण्टामा कोरोना सङ्क्रमणका कारण कसैको पनि ज्यान गएको छैन । नेपालमा अहिलेसम्म कोरोनाबाट ३ हजार २० जनाको ज्यान गएको छ ।