संसदीय दलको बैठकमा माधव पक्ष पनि सहभागी हुने

१३ चैत, काठमाडौं । सत्तारूढ नेपाल कम्युनिष्ट पार्टी एमालेको संसदीय दलको बैठक आज दिउँसो ३ बजे प्रधानमन्त्रीको सरकारी निवास बालुवाटारमा बस्दै छ । प्रधानमन्त्री एवम् संसदीय दलका नेता केपी शर्मा ओलीले बोलाएको उक्त बैठकमा माधव पक्षका सांसदहरु सहभागी हुने भएका छन् ।

संसदीय दलका प्रमुख सचेतक विशाल भट्टराइका अनुसार आज बस्ने बैठकमा संसद बैठक प्रभावकारी बनाउने, सांसदहरुलाई विकास निर्माणका योजनाहरु कसरी पेश गर्ने भन्ने तरिका सिकाउने र दललाई एकढिक्का बनाउने विषयमा छलफल हुने छ ।

नेपाल पक्षका सांसदहरुले बैठकमा जानु अगाडि छुट्टै छलफलको तयारी समेत गरिरहेका छन् ।यसअघिका दलको बैठकमा माधव पक्षका सांसदहरु भने सहभागी हुने गरेका थिएनन् ।