नेपाल समूह छाडेर ओली समूहमा गएकी राई सामाजिक विकास मन्त्री

१३ चैत, काठमाडौं । केही समयअघि नेकपा एमालेमा माधव नेपाल समूह छाडेर ओली समुहमा गएकी प्रदेश १ की प्रदेशसभा सदस्य उषाकला राई मन्त्री हुने भएकी छन् ।

प्रदेश १ का मुख्यमन्त्री शेरधन राईले आज मन्त्रिपरिषद् विस्तार गर्दै राईलाई सामाजिक विकास मन्त्री बनाउन लागेका हुन । यस्तै माओवादीबाट एमाले प्रवेश गरेका प्रदेशसभा सदस्य टंक आङबोहाङ अर्थमन्त्री बताइएको छ।

केही मन्त्रीको जिम्मेवारी हेरफेर र राज्य मन्त्री पनि थप गर्ने तयारीमा मुख्यमन्त्री राई रहेका छन् ।   नयाँ मन्त्रीहरुको आजै सपथग्रहण राखिएको मुख्यमन्त्रीको सचिवालयले जनाएको छ।