हिमालय एयरलाइन्सकाे एक वर्षपछि काठमाडौं बंगलादेश उडान पुनः सुरु हुने

१३ चैत, काठमाडौं। हिमालय एयरलाइन्सकाे एक वर्षपछि काठमाडौं बंगलादेश उडान पुनः सुरु हुने भएको छ । संक्रमणका कारण स्थगन भएको उडानलाई कम्पनीले आउँदो अप्रिल ४ तारिखदेखि पुनः सुरु गर्न लागेको जनाएको हो।

साताको दुई दिन ‘आइतबार र मंगलबार’ नियमित उडान गर्न लागिएको कम्पनीको ब्राण्ड एण्ड सर्भिस इम्प्रुभमेन्ट विभाग प्रमुख उज्वला दलीले बताइन् । यात्रु माग बढेसँगै उडान संख्या बढाउने योजना एयरलाइन्सको रहेको छ । गन्तव्य विस्तारका लागि कम्पनीले हङकङ उडान गर्ने योजना बनाएको छ ।

आउँदो दिनमा मकाउ, हङकङ र बैंकक नियमित उडानका लागि कम्पनीले सम्भाव्यता अध्ययन गरिसकेको उछ । अब सबै हालको अवस्थालाई मध्यनजर गर्दै दुवै देशको सरकारले निर्णय गरेअनुसार सेड्युल बनाउने एयरलाइन्सले जनाएको छ । करिब तीनदेखि चार महिनामा यी गन्तव्यमा उडानको निश्चित हुनेछ।