इंग्ल्याण्डले टेस जितेर दियो भारतलाई ब्याटिङको निम्तो, प्लेइङ–११ परे पन्त

१३ चैत, काठमाडौं । भारतसँगको एकदिवसीय क्रिकेट सिरिजको दोस्रो खेलमा पनि इंग्ल्याण्डले टस जितेर बलिङ रोजेको छ । यी दुई टिमबीचको दोस्रो खेल १ः४५ बजेदेखि पुणेमा सुरू हुँदैछ ।

इंग्ल्याण्डले प्लेइङ ११ मा आज तीन खेलाडी परिवर्तन गरेको छ । उसले नियमित कप्तान इयोन मोर्गन, साम बिलिङ्स र मार्क उडलाई विश्राम दिँदै डेविड मलान, लियाम लिभिङस्टोन र रीसी टोप्लेले मौका पाएका छन् ।

भारतले प्लेइङ ११ मा एक खेलाडी परिवर्तन गरेको छ । उसले श्रेयस अय्यरको स्थानमा ऋषभ पन्तले मौका पाएका छन् ।

तीन खेलको सिरिजमा भारतले १/० को अग्रता बनाएको छ । आजको खेल जिते उसले एक म्याच अगावै सिरिज जित्ने छ ।

भारतको सम्भावित प्लेइङ-११  रोहित शर्मा, शिखर धवन, विराट कोहली (कप्तान), केएल राहुल, ऋषभ पन्त, हार्दिक पाण्ड्या, कृणाल पाण्ड्या, शार्दुल ठाकुर, भुवनेश्वर कुमार, कुलदीप यादव र प्रशिद्ध कृष्ण ।

इंग्ल्याण्डको प्लेइङ-११  जेसन रोय, जोनी बेयरिस्टो, बेन स्टोक्स, डेविड मलान, जोस बटलर (कप्तान र विकेटकीपर), लियाम लिभिङस्टोन, मोइन अली, साम कुरन, टम कुरन, आदिल राशिद र रीस टोपली ।