नेपाल पत्रकार महासंघको निर्वाचनमा ११ संगठनबीच चुनावी गठबन्‍धन

१३ चैत, काठमाडौं । नेपाल पत्रकार महासंघको निर्वाचनका लागी नेपाल प्रेस युनियनको नेतृत्वमा ११ संगठन बीच गठबन्धन गर्ने सैद्धान्तिक सहमति भएको छ । शुक्रबार ११ संगठनबीच भएको बैठकबाट गठनबन्धन गर्ने निर्णय भएको हो ।

महासंघको चैत २५ गते हुने निर्वाचनमा साझा र समावेशी नेतृत्व चयन गर्दै प्रेस तथा अभिव्यक्ति स्वतन्त्रताका पक्षमा निरन्तर खबरदारी गर्ने प्रतिबद्धतासहित गठबन्धन गरिएको बैठकपछि जारी संयुक्‍त विज्ञप्तिमा उल्लेख छ ।  तर यता प्रेस चौतारीको ओली समुह भने सदस्यताको विवाद निकालेर निर्वाचन अवरोध गर्ने तयारीमा छ ।

गठबन्‍धनमा माथि उल्‍लेखित चारसहित क्रान्तिकारी पत्रकार महासंघ, जन पत्रकार संगठन नेपाल, क्रान्तिकारी पत्रकार संगठन नेपाल, मिडिया नेपाल, प्रेस सेन्टर नेपाल, देशभक्त पत्रकार संघ र लोकतान्त्रिक छापा माध्यम राष्ट्रिय समाज छन् ।