घर बाहिर खुला स्थानमा नबस्न र मर्निङवाक नगर्न मन्त्रालयकाे अपील

१३ चैत, काठमाडौं । काठमाडौं उपत्यको वातावरणमा आज एकाएक प्रदुषण भएको छ । तुवाँलो लागेजस्तो देखिने मौसममा घरबाहिर निस्क्दा आँखा पिरो हुने, आँखाबाट आँशु आउने, टाउको दुख्ने, वाकवाक लाग्ने समस्या देखिएको छ ।

लामो समयको खडेरीले हावा सुख्खा भएको र वायुले धुवाँ र धुलो ल्याएका कारण काठमाडौंको वायु प्रदूषित भएको हो । यससँगै स्वास्थ्य तथा जनसंख्या मन्त्रालयले काठमाडौं उपत्यकाभित्रको वायु प्रदूषण निकै बढेको भन्दै सावधानी अपनाउन अपील जारी गरेको छ ।

स्वास्थ्य मन्त्रालय शुक्रबार साँझ अपील जारी गर्दै घर बाहिर खुला स्थानमा नबस्न, मर्निङवाक नगर्न, फोहोर नजलाउनसमेत आग्रह गरेको हो।