प्रहरीकै संलग्नतामा तारे होटलबाट अवैध अनलाईन गेम
नेपालबहस संवाददाता
चैत १५, २०७७ आइतबार २०:३५:३७
१५ चैत, काठमाडौं । नेपाल प्रहरीकै संलग्नतामा नेपालकै तारे होटलबाट अवैध रुपमा अनलाईन गेम (जुवा) खेलाउने गरिएको छ भन्दा अचम्म लाग्न सक्छ । लुम्बिनी प्रदेशका केही ठूला होटल र वुटवल तथा भैरहवामा प्रहरीकै संरक्षणमा अनलाइन जुवा खेलाइने गरिएको छ ।
सिल्भर हेरिटेज इन्भेष्टमेण्ट प्रालिद्धारा सञ्चालित रुपन्देहीको भैरहवास्थित टाइगर वन होटलले अवैध अनलाईन जुवा खेलाउने गरेको भएपनि लुम्बिनी प्रदेश प्रहरी प्रमुख रविन्द्र धानुक र रुपन्देही प्रहरी प्रमुख एसपी प्रवीण पोखरेलको संरक्षणका कारण अहिलेसम्म होटल सञ्चालकहरु राजश्व अनुसन्धान र प्रहरीको आँखाबाट बच्न सफल भएका छन् ।
होटलले क्यासिनोमार्फत विदेशीहरुलाई जुवा खेलाउने अनुमति लिएको भएपनि अनलाईन जुवा खेलाउने अनुमति छैन् । ‘होटलमा सञ्चालित क्यासिनोलाई अनलाईन जुवा खेलाउने अनुमति छैन तर पनि अनलाईनमार्फत जुवा खेलाएर अवैध कार्य गरिरहेको छ’, होटलका एक कर्मचारीले भने ।
विगत दुई महिनादेखि सो होटलबाट अनलाइन जुवा खेलाइएको भएपनि प्रहरीकै सुरक्षाका कारण बाहिरबाट तोकिएका मानिसबाहेक अन्यलाई प्रवेश निषेध गरिएको छ । ‘डीआईजी धानुक र एसपी पोखरेल दुवैले होटलभित्र पस्न र चेकजाँच गर्न आदेश दिएका छैनन’, प्रदेश ५ का एक प्रहरी अधिकृतले भने । केही दिन अघि होटलमा प्रहरी पुगेको भएपनि डीआईजी धानुकको आदेश भन्दै एसपी पोखरेलले फिर्ता गरेका थिए ।
क्यासिनोमा विदेशीहरु जान छाडेपछि होटलका कार्यकारी अधिकृत माइक बोलसोभरले नै अनलाईन जुवा खेलाउन निर्दैशन दिएका हुन् । अहिले सो होटलमा एकजना पनि विदेशी नागरिक ग्राहकको रुपमा छैनन् । तैपनि अनलाईन जुवा सञ्चालन भैरहेको छ । लकडाउनपछि नेपालका क्यासिनोमा जुवा खाल बन्द भएको छ । लकडाउनकै बेला काठमाडौंमा पनि अनलाइन जुवा खेलाउने गिरोह सक्रिय भएको थियो ।सोही गिरोहमार्फत सो होटलले अनलाईन गेम खेलाउन थालेको हो ।
होटलमा सीसी टिभी भएपनि तर अनलाईन गेम सञ्चालन गर्ने क्रममा त्यहाँको सीसी टिभी बन्द गर्ने, सामाजिक सञ्जाल बन्द गर्ने, कर्मचारीको मोवाइल अफ गराउने, कर्मचारीलाई होटलबाट बाहिर निस्कन नदिने र सुरक्षा गार्डलाई बाहिरबाट अधिकारप्राप्त मानिस बाहेक बाहिरका मानिसलाई भित्र नछिराउने गरिएको छ ।
‘जहाँबाट गेम खेलाइन्छ त्यहाँ सामाजिक सञ्जाल बन्द गरिन्छ भने मोवाइल चलाउन पाइदैन’, होटलकै एक कर्मचारीले भने । प्रहरीले त्यहाँको सीसी टिभी फूटेज हेर्न समेत पाएको छैन । प्रहरीले चाहे होटलको सीसी टिभी हेरर त्यहाँको गतिविधिबारे जानकारी लिन सक्छन तर प्रहरीले दुई प्रमाण मेटाउनका लागि पनि सीसी टिभीतिर ध्यान नदिएको स्रोतको दावी छ ।
मनोरञ्जनका लागि गेम खेलाउन पाइने सम्झौता गरिएको भएपनि अनलाईन गेम खेलाउने सम्झौता भने गरिएको छैन् । साथै अनलाइन गेम खेलाएर कुनैपनि तथ्यांक संकलन गर्न पाइदैन तर सो होटलले ग्राहकहरुको व्यक्तिगत तथ्यांक पनि संकलन गरिरहेको स्रोतको दावी छ । क्यासिनो ऐनले समेत अनलाईन गेम सञ्चालन गर्न प्रतिबन्ध लगाएको अवस्थामा अनलाईन गेम खेलाएर सरकारलाई राजश्व समेत ठगी गरिरहेको स्रोतको दावी छ ।
क्यासिनाेमा गेम खेल्न जाने विदेशी व्यक्तिले आफ्नो परिचय खुल्ने गरी क्यासिनोको सूचना पाटीमा नाम राख्नुपर्छ साथै जसले गेम खेलाउने हो उसले ग्राहकको अभिलेख राखेर प्रशासनले खोजेको बखत बुझाउनुपर्नेछ । तर सो होटलले यी सबै शर्तहरुलाई वेवास्ता गर्दै अनलाईन (जुवा) गेम सञ्चालन गरेको हो ।
नेपालमा क्यासिनो बन्द भएको अवस्थामा अनलाइन जुवा खेलाउने गरिन्छ । लकडाउनको समयमा विदेशी पर्यटकहरु नेपाल आउन छाडेपछि क्यासिनोकै एजेण्टमार्फत अनलाइन जुवा शुरु गरिएको थियो । नेपालमा अनलाइन क्यासिनोको ५० भन्दा बढी एजेन्ट रहेका छन् । उनीहरुले हुण्डीमार्फत कारोवार गरिरहेका छन् ।
क्यासिनो खेल्नेले सुरुमा ‘अनलाइन एकाउन्ट’ खोल्नुपर्छ । खेल्ने रकम खातामा जम्मा गरेपछि त्यो बराबरको रकम एजेन्टले लिन्छन् । एजेन्टलाई पनि राम्रै कमिसन आउने भएकाले टाइगर वन होटलले पनि एजेण्टमार्फत नै अनलाइन जुवा खेलाउने गरेको र हुण्डीमार्फत कारोवार गर्ने गरेको छ । नेपालमा खेलाएको अनलाइन जुवामार्फत उठेको पैसा हुण्डीमार्फत विदेशिने गरेको छ ।
बैध क्यासिनोमा पर्यटकहरु आउन बन्द भएपछि क्यासिनो जाने लत परेकाहरुले अनलाईन जुवामा सहभागी हुने गरेका छन् । होटलबाटै हुण्डीको कारोबारमा समेत प्रहरी मौन बसेको छ । अवैध कारोवार रोक्ने जिम्मेवारी पाएको प्रहरीले नै अवैध जुवालाई प्रश्रय दिनुको पछाडिको कारण भने रहस्यमयी रहेको होटलका कर्मचारीको दावी छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रसाईंका हतियारबारे छानबिन गर्न गृहले बनायो समिति
चैत १६, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
एसएसपी अधिकारी सशस्त्रको डीआईजीमा सिफारिस
चैत १६, २०८० शुक्रबार
चैते झरीले बाटो हिलाम्य, ३० मिनेटको दूरीलाई चार घण्टा
चैत १६, २०८० शुक्रबार
हेलम्बुमा हाइअल्टिच्युड भलिबल प्रतियोगिता हुने
चैत १६, २०८० शुक्रबार
सिद्धि हाइड्रो कम्पनीको शेयर निष्कासन तथा बिक्री प्रबन्धकमा सिटिजन्स क्यापिटल
चैत १६, २०८० शुक्रबार
अतिथि सत्कार घरबासमा विदेशी पर्यटक बढ्दै
चैत १६, २०८० शुक्रबार
देउडा खेल्दै सर्वसाधारण
चैत १६, २०८० शुक्रबार