नेपाल औषधि ब्यवसायी संघ प्रदेश १ को सदस्यमा दमककी तिलमायाँ निर्बिरोध निर्वाचित

१५ चैत, काठमाडौं । नेपाल औषधि ब्यवसायी संघको प्रदेश नं. १ को सदस्य पदमालायन्स क्लब अफ सेविका दमककी तृतिय उपाध्यक्ष समेत रहेकी तिलमायाँ काफ्ले भट्टराई निर्बिरोध निर्वाचित भएकी छिन् ।

भट्टराई कुलबंश प्रतिष्ठान दमक अन्तर्गत गठिन छोरी बुहारी सञ्जालको सल्लाहकार समितिको सदस्य भई कामगर्दै आएकी भट्टराई (तिला आन्टी) दमकमा रहेका बिभिन्न संघसंस्थाहरुमा समेत उत्तिकै सक्रियताका साथ संलग्न छिन । राधाकृष्ण भजन किर्तन मण्डलीकि सदस्य समेत रहेकी उनि गरिव तथा असहायहरुलाई सहयोग गर्ने अग्र पंतिकि अभियन्ता समेत हुन ।

“भट्टराई ओखती घर” कि प्रोपराईटर समेत रहेकी भट्टराईलाई स्थानीय दमकबासीहरु सधैं सम्मान र सहयोगीको रुपमा हेर्ने गर्दछन् । बिभिन्न सामाजिक कार्यमा सक्रिय समाजसेवी तिलमायाँलाई नेपाल औषधि ब्यवसायी संघको निर्वाचन पूर्व नै सर्वसम्मत रुपमा निर्वाचित गरिएको हो । अन्य पदहरुमा निर्वाचनको रस्साकस्सी चलिरहेको बेला भट्टराईलाई भने सर्वसम्मत रुपमा निर्वाचित गर्न संघ अग्रसर भएको देखिएको छ । यसलाई पनि उनको बहुआयामिक प्रतिभाको कदरको रुपमा हेरिएको छ ।

दमक नगर क्षेत्र तथा ईलामको चुलाचुली, झापाको माई पश्चिम क्षेत्र तथा मोरङको पूर्बि क्षेत्रमा आफ्नो दर्बिलो बर्चस्व कायम गरेका बुद्धिशेखर भट्टराई आफैमा एक कुशल स्वास्थ्यकर्मी हुन । उनकै जीवन साथी तिलमायाँ भट्टराईलाई नेपाल औषधि ब्यवसायी संघ प्रदेश नं. १ प्रदेश सदस्यमा निर्वाचित गरेको हो ।

दमकको स्वास्थ्य क्षेत्रमा भट्टराई दम्पत्तिको अतुलनीय योगदान रहेको दमकका स्थानीबासीहरु बताउछन् । सरल र मृदूभाषि स्वभावका धनी बुद्धिशेखर भट्टराई पनि बिभिन्न सामाजिक क्षेत्रमा कृयाशिल ब्यक्तित्व हुन । आफु सर्वसम्मत रुपमा निर्वाचित भए पछि भट्टराईले आफुलाई सर्वसम्मत रुपमा निर्वाचित हुने वाताबरण बनाईदिने सम्पूर्ण औषधि ब्यवसायी लगायत निर्वाचन मण्डललाई धन्यवाद दिएकी छिन् ।