ट्राफिक प्रहरीलाई घुस दिन खोज्ने चालक नियन्त्रणमा

१५ चैत, काठमाडौं । ट्राफिक प्रहरीले ५ सय घुस दिन खोज्ने मोटरसाइकल चालकलाई पक्राउ गरेको छ । । पक्राउ पर्नेमा सिन्धुपाल्चोक त्रिपुरासुन्दरी–५ घर भएका १८ वर्षीय मन्दिल श्रेष्ठ हुन् ।

प्रहरीलै उनलाई कमलादी चोकबाट बा।८५ प २०६५ नम्बरको बुलेट मोटरसाइकलसहित पक्राउ गरेको हो । चेकजाँच गर्न खटिएका ट्राफिक प्रहरी जवान संजिव कुमार यादवलाई पाँचसय घुस दिएपछि उनलाई पक्राउ गरिएको हो ।

चाबहिल बस्दै आएका मन्दिलले बुलेट मोटरसाइकलको स्वरुप परिवर्तन गरेर चलाएको ट्राफिक प्रहरी महाशाखाले जनाएको छ ।