ओलीसँग रहनु भन्दा बाहिरिनु बढी लाभदायक भएको ठहर
नेपालबहस संवाददाता
चैत १६, २०७७ सोमबार १९:४:५१
१६ चैत, काठमाडौं । नेकपा एमाले भित्र अब दुबै समूह अलग भएर बस्दा नै लाभ हुने निश्कर्षमा पुगेको देखिन्छ । पार्टी भित्र केपी ओली समूह बलशाली बन्दै गएको र माधव नेपाल समूह विस्तारै क्षयीकरण हुने अवस्था निर्माण भएकाले एकै थलोमा बस्दा अझै हानी हुने ठहर दुबै पक्षले गरेको देखिन्छ । त्यसैले अनुकूल मिलाएर अलग थलग बस्दा नै दीर्घकालिक रुपमा फाइदा पुग्ने ठम्याई दुबै पक्षको रहेको छ ।
फागुन २३ गते सर्वाेच्चले अन्यथा फैसला गरिदिएकाले मात्रै ओली बलियो बनेको बुझाई नेपाल पक्षको छ । नत्र नेकपा भित्र भने ओलीको हैसियत निम्छरो भइसकेको थियो । पुष्पकमल दाहाल ‘प्रचण्ड’ र नेपालबीचको सहकार्यले ओली अल्पमतमा परिसकेको थिए । त्यसैले प्रचण्ड–माधव समूहले ओलीलाई पार्टीको साधारण सदस्यबाट समेत निष्काशन गरेको थियो ।
तर परिस्थितिले कोल्टे फेरेको छ । अहिले ओली फेरि आक्रामक पोजिसनमा पुगेका छन् । नेकपा एमाले व्युँतिएपछि ओली पार्टी भित्र वहुमतमा पुनस्थापित भएका छन् । नेता नेपाल र झलनाथ खनालको अवस्था फेरि निरीह बन्न पुगेको छ । सरकार र पार्टी दुबै मोर्चामा शक्ति आर्जन गरेका ओलीले निकट विगतमा भएका हरेक हिसाबको बदला चुकाउने शैली र व्यवहार देखाएका छन् । अदालतले जेठ २ , २०७५ अगाडिको अवस्थामा पु¥याएपनि ओली पक्षको व्यबहार भने अराजक र व्यक्तिबादी देखिएको छ । उनले अदालतको फैसलालाई आफू अनुकूल ब्याख्या गरेका छन् ।
विगतमा नेकपा भएका बेला आफूलाई पार्टी सदस्यबाटसमेत निष्काशन गरेको बदला उनी लिने उपक्रममा देखिएका छन् । यसैको नयाँ श्रृँखलाका रुपमा नेता नेपाललगायत चार शीर्ष नेतासँग सोधिएको स्पष्टीकरण आएको हो । ओली चाहन्छन्–अबको एमाले आफ्नो खल्तीको मात्र रहोस् । अर्थात, कसैको कचकच नहुने गरी स्वतन्त्रतापूर्वक पार्टी चलाउन पाइयोस् । सूर्य चुनाव चिह्न आइसकेकाले थप सहज हुने ओलीको अनुमान रहेको छ ।
ओलीको सनक र फूर्ति बढेपछि नेपाल पक्ष पनि केही हतास भएको देखिन्छ । अहिलेसम्मको परिदृश्यले ओलीसँग मिलेर जाने सम्भावना टरेको उनीहरुको निश्कर्ष रहेको छ । त्यसैले बेलैमा आफ्नो बाटो र गन्तव्य तय गर्दा मात्रै राजनीतिक लाभ हुने धारणा बनाइरहेका छन् । एमालेकै रिङ भित्र बसेर ओलीसँग संघर्ष गर्दा दिन प्रतिदिन कमजोर हुने आंकलन नेपाल पक्षको गरेको छ । किनभने ओलीसँग अहिलेपनि सत्ता र पार्टी कब्जामा रहेको छ । त्यसले आफ्नो माग र मुद्धा थप कमजोर बन्ने खतरा देखिएको छ ।
ओलीले पनि नेपालहरुलाई साथ लिएर जाँदा पार्टी भित्रको कचिङगल अझै थपिने र यस्तो कलहले पार्टीलाई थप नोक्सानी हुने ठानेका छन् । त्यसैले सकेसम्म बेलैमा नेपाल पक्षलाई पाखा लगाउन पाए हुन्थ्यो भन्ने सोच ओलीको रहेको छ । साथै, नेपाल पक्षलाई यही स्वरुपमा लघार्न पाए आगामी निर्वाचनसम्म अहिलेको शक्तिसमेत खिइएर ओरालो लाग्ने विश्वास ओली पक्षको रहेको छ । विगतमा नेपाल पक्षको ४० प्रतिसत शक्ति रहेको अनुमान ओलीले गरेका हुन् । तर अब भने त्यसमा पनि १० प्रतिसत आफूतिर आएको बुझाई ओलीको रहेको छ ।
नेपाल पक्षलाई एमालेबाट निकालेर प्रचण्डसँग मिल्न जाने अवस्था आयो भने थप १० प्रतिसतले विद्रोह गर्ने अनुमान ओलीले गरेका छन् । त्यसो हुँदा नेकपा एमालेको केवल २० प्रतिसत नेता कार्यकर्ता मात्रै बाहिरिने बाँकी सँगै रहने उनको विश्वास रहेको छ । नेपाल पक्षले पनि अबको एमाले भित्रको यात्रा अझै पीडादायी हुने देखेको छ । किनभने थोरै मात्र टाउको लुकाउन खोज्यो भने ओली थप आक्रमक हुने र आफ्नो पक्षमाथि खनिने अवस्थाको आँकलन गरेका छन् ।
ओलीसँग झुक्यो भने राजनीतिक रुपमा सधैंका लागि निमिट्यान्न पार्ने बुझाई नेपाल पक्षको रहेको छ । बरु ओलीसँग विद्रोह गर्दा नै आफ्नो पक्षको भलाई हुने ठानेका छन् । ओलीसँग झुक्न भनेको आफ्नो अस्तित्व नै दाउमा राख्नु हो – नेपाल पक्षका एक केन्द्रीय सदस्यले भनेका छन् । अरु अहिल्यै अलग भइयो भने चुनावको बेलासम्म फेरि एकताको आवाज उठ्न सक्ला भन्दै उनले त्यसैले अहिले नै आफ्नो गन्तव्य पहिल्याउनेतिर लाग्नुपर्ने बताए । यथास्थितिमा अगाडि बढ्ने अवस्था आउँदा ओलीले आगामी चुनावमा आफ्नै पक्षकालाई मात्र टिकट दिने र नेपाल पक्ष नामेट पार्ने दाउ खेल्ने छन् – उनले भने ।
तत्कालै पार्टी भित्रको विभाजनले आकार लियो भने तल्लो तहसम्मको संगठन निर्माणमा बल पुग्ने उनीहरुको बुझाई रहेको छ । तर लामो समय ओलीकै पछाडि बस्ने हो भने तल्ला तहका कमिटीमा समेत उनको लगाव र प्रभावले काम गर्ने देखिन्छ । त्यसैले बेलैमा आफ्नो बाटो पहिल्याउनु नै सबैका लागि हितकर छ– ती नेताले भने ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
छोटै समयमा प्रदीप अधिकारीले देखाएको आर्थिक लिला, यो घर कसरी ठडियो डीजी साप ?
चैत १४, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
नेप्सेमा सामान्य वृद्धि, हिमालयन उर्जा विकासको शेयरमा सकारात्मक सर्किट !
चैत १५, २०८० बिहिबार
नेपाल ए र आयरल्याण्ड वोल्भ्सबीचको सिरिजको नयाँ तालिका सार्वजनिक
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सौराहाको रोजगारी र आयको मुख्य स्रोत पर्यापर्यटन
चैत १५, २०८० बिहिबार
उत्तरी इलेनोइसमा छुरा प्रहार, ४ जनाको मृत्यु
चैत १५, २०८० बिहिबार