चैत्र १८ गते बोलाइयाे लुम्बिनी प्रदेश सभाको बैठक

१६ चैत, बुटवल । संसद स्थगित भएको छ महिना पुग्न एक दिन बाँकी रहदा लुम्बिनी प्रदेश सभाको बैठक आह्वान गरिएको छ । संसद अधिवेशन अन्त्य भएको छ महिनाभित्रै अर्को बैठक बस्नु पर्ने बाध्यकारी व्यवस्थाका कारण सरकारले चैत १८ गते बैठक आह्वान गरेको हो ।

लुम्बिनी प्रदेश सभा स्थगित भएको चैत १९ गते छ महिना पुग्दै छ । प्रदेश सभा बैठ चैत्र १८ गते दिउँसो १ बजे बैठक बोलाइएको जानकारी दिए । सरकारको सिफारिसमा प्रदेश प्रमुख धर्मनाथ शाहले बैठक आह्वान गरेका हुन् ।

सरकारले केही विधेहरूमा औपचारिक छलफलबाहेक अन्य विजनेस भने नभएको जनाएको छ । सरकारले बनाउने बजेटमाथि प्रि बजेट छलफललगायतका विषय भए पनि नेकपा एमाले र माओवादी ब्युँतिएको अवस्थामा प्रदेश सभा लामो समय नचल्ने अनुमान गरिएको छ ।

प्रदेश सभामा दल विभाजनसम्बन्धी सूचना प्रस्तुत गरिने जानकारी दिइएको छ । यसअघि एमाले र माओवादी केन्द्रको एकतापछि एउटै दल भए पनि अदालतको आदेशसंगै दुईवटा दल बनेका छन् । माओवादीले सरकारलाई दिएको समर्थन फिर्ता नलिएका कारण सो दल सत्ता पक्षकै बेन्चमा बस्ने देखिएको छ ।