तारिणीप्रसाद कोइराला स्मृति पत्रकारिता पुरस्कार सुवेदीलाई

१६ चैत, काठमाडौं । नेपाल टेलिभिजनका वरिष्ठ समाचार सम्पादक शालिक सुवेदीलाई तारिणीप्रसाद कोइराला स्मृति पत्रकारिता पुरस्कार प्रदान गरिने भएको छ । रिपोर्टर्स क्लब नेपालको २३औँ वार्षिकोत्सवको अवसरमा वरिष्ठ समाचार सम्पादक सुवेदी सहित तारिणीप्रसाद कोइराला स्मृति पत्रकारिता पुरस्कार रेडियो नेपालका समाचार महाशाखा प्रमुख डा. नवराज लम्साललाई पनि प्रदान गरिने भएको हो ।

क्लबको २३ औँ वार्षिकोत्सवको अवसरमा काठमाडौंको राष्ट्रियसभा मंगलबार आयोजना हुने विशेष समारोहमा प्रधानमन्त्री केपी ओलीले पुरस्कार प्रदान गर्ने कार्यक्रम छ ।

यसै गरी मदन भण्डारी स्मृति पत्रकारिता पुरस्कार वरिष्ठ पत्रकार तथा उज्यालो मल्टिमिडिया प्रालिका कार्यकारी अध्यक्षरसञ्चालक गोपाल गुरागाईंलाई प्रदान गर्ने निर्णय भएको क्लवले जनाएको छ । पुरस्कारको राशि १ लाख रुपैयाँको छ ।