सीमावर्ती क्षेत्रमा आइसोलेसनमा राख्‍न मन्त्रालयकाे निर्देशन

१६ चैत, काठमाडौं । अब भारतबाट स्वदेश फर्कनेले अनिवार्य १० दिन आइसोलेसनमा बस्नुपर्ने भएको छ । स्वास्थ्य तथा जनसंख्या मन्त्रालयले सीमावर्ती क्षेत्रबाट प्रवेश गरेकाहरूलाई आइसोलेसनमा राख्‍न सीमावर्ती जिल्लालाई निर्देशन दिएको हो ।

भारतीय सीमा क्षेत्रमा कोभीड-१९ पोजिटिभ भएकाहरू सार्वजनिक यातायातमा नै हिडेको पाइएपछि सरकारले यस्तो निर्णय लिएको हो । उक्त क्षेत्रबाट नेपाल आएकालाई आइसोलेसनमा राख्‍न मन्त्रालयले निर्देशन दिएको हो ।

स्वास्थ्य मन्त्रालयले सबै प्रदेशका स्वास्थ्य निकायहरूलाई आइसोलेसन व्यवस्थापनका लागि निर्देशन दिँदै सरकारले यसमा निकै कडाई गर्नुपर्ने बताएको छ ।

सबै प्रदेशका सामाजिक विकास मन्त्रालय, स्वास्थ्य निर्देशनालय, स्वस्थ्य कार्यालयहरूको समन्वयमा कोभिडको लक्षण वा चिन्ह भएकालाई अस्पतालमा राख्‍नपर्ने समेत जनाएको छ । भारतमा कोभिड संक्रमण बढेसँगै सरकार त्यस्तो निर्णयमा पुगेको हो ।