सर्वोच्चको फैसलाविरुद्ध पुनरावलोकनको निवेदन दर्ता गर्दै माओवादी केन्द्र

१७ चैत, काठमाडौं । नेकपा नाम ऋषि कट्टेललाई दिँदै नेकपा एमाले र माओवादी केन्द्र ब्युँताउने सर्वोच्च अदालतको फागुन २३ को फैसलाविरुद्ध नेकपा माओवादी केन्द्रले  पुनरावलोकनको निवेदन दर्ता गर्ने भएको छ ।

अध्यक्ष पुष्प कमल दाहाल प्रचण्डको नेतृत्वमा  नेताहरु र केही कानुन व्यवसायी पुनरावलोकनको निवेदन दिन केही बेरपछि सर्वोच्च अदालत जान लागेको माओवदी केन्द्रकी नेतृ पम्फा भुसालले नेपाल बहसलाई जानकारी दिइन ।

‘सर्वोच्चको फैसलाउपर पुनरावकलोमा जानुपर्ने कानुन व्यवसायीले सुझाब अनुसार अध्यक्ष ‘प्रचण्ड सहित केही नेता र कानून व्यवसायी र नेताहरू पुनरावलोकनको निवेदन लिएर आज ११ बजे अदालत जादैं छौ,  भूसालले भनिन् ।

फागुन २३ गते न्यायाधीशहरू कुमार रेग्मी र बमकुमार श्रेष्ठको इजलासले एमाले र माओवादी केन्द्र ब्युँताएको थियो । सर्वोच्चको आदेशमा दुई पार्टीबीचको एकीकरणलाई अवैधानिक करार गर्दै एकीकरण गर्ने भए १५ दिनभित्र निर्वाचन आयोगमा निवेदन दर्ता गर्न भनिएको थियो ।

यसअघि माओवादी केन्द्रको स्थायी कमिटी बैठकमा सांसद रामनारायण बिडारी, वरिष्ठ अधिवक्ता शम्भु थापा, नेपाल बारका अध्यक्ष चण्डेश्वर श्रेष्ठ, दिनमणि पोखरेल, मुक्ति प्रधानलगायतका कानुन व्यवसायीले सर्वोच्चको फैसलाउपर पुनरावकलोमा जान सुझाव दिएपछि माओवादी केन्द्रले पुनरावकलोमा जाने निर्णय गरेको थियो ।