एसपी प्रवीण र सीडीओ पिताम्बर काठमाडौं तानिए

१७ चैत, काठमाडौं । रूपन्देहीका सशस्त्रका एसपी भरत खनियाँ, नेपाल प्रहरीका एसपी प्रवीण पोखरेल र सीडीओ पिताम्बर घिमिरे काठमाडौं तानिएका छन् ।

भैरहवास्थित टाइगर वन तारे होटलमा प्रहरी प्रशासनको संरक्षणमा अनलाइन जुवा खेलाएको र त्यसमा प्रहरीले कुनै पनि कारवाही अगाडी नबढाएको जस्ता गुनासाहरु गृहमन्त्रालयमा आएपछि सोमबार उनीहरुलाई काठमाडौंमा सरुवा गरिएको हो ।

मन्त्रालय स्रोतका अनुसार उनीहरुले राम्रोसँग डिउटी नगरेको र डिउटीमा सुरक्षाकर्मीहरु परिचालन नगरेको आरोप लागेको छ । लामो समयदेखि भैरहवाको टाइगर वन होटलमा अनलाइन जुवा खेलाउने गरेको समाचार प्रकाशन भएको थियो ।

त्यसमा प्रहरी प्रशासन, जिल्ला प्रशासन कार्यालय र सशस्त्र प्रहरीको एसपी समेत संलग्नतामा संरक्षण गरेको आरोप लागेको थियो ।